Tyiym salynǵan dini ádebietterdi taratqan pavlodarlyq áiel jaýapqa tartyldy, – dep habarlaidy "Ult aqparat" Polisia.kz saityna silteme jasap.
Pavlodar qalasynyń ekstremizmge qarsy is-qimyl tobynyń qyzmetkerleri internette monitoring júrgizý barysynda qoldanýshy paraqshasynan dini mazmundaǵy materialdary bar 39 aýdiojazba anyqtady.
"Tekserý is-sharalary barysynda 35 jastaǵy pavlodarlyq tyiym salynǵan kontentti ashyq jariialaǵan. Bul fakti boiynsha dintaný saraptamasy júrgizildi. Onyń qorytyndysy boiynsha Pavlodar qalasynyń mamandandyrylǵan ákimshilik soty pavlodarlyq áielge QR ÁQBtK-niń 453-baby 2-bóligi (Buqaralyq aqparat quraldarynyń ónimin, sol siiaqty ózge de ónimdi Qazaqstan Respýblikasynyń aýmaǵynda daiyndaý, saqtaý, ákelý, tasymaldaý, taratý) boiynsha 20 AEK kóleminde ákimshilik aiyppul salyp, ákimshilik jaýapkershilikke tartty, – dep habarlady Pavlodar oblysy Politsiia departamentiniń baspasóz qyzmeti.
