.jpg)
Foto: Instagram.com
Aeka Posh laqap atymen tanymal bloger Aiym Altynbekova tórt jyldan keiin hidjabyn sheshkenin málimdedi, dep habarlaidy Ult.kz.
Bloger bul týraly video jariialap, ekinshi balasyn bosanǵannan keiin sondai sheshimge kelgenin aitty.
"Keide jol aýysady. Senim joǵalǵannan emes, ishte bir tynyshtyq paida bolǵannan. Qazir basqasha áreket etý kerek degendi sezesiń. Men hidjabty 4 jyl taqtym. Bul sanaly ári shýaqty kezeń boldy. Men sol senimmen ómir súrdim. Kúieýim ekeýmiz Ýmrada 4 ret boldyq. Ár barǵan saiyn rýhani tolastaý úshin, jaqyndaý úshin, munyń bárin ne úshin ekenin ózime qaita esime salý úshin. Men qolymnan kelgenniń bárin jasadym. Izdendim, oqydym, tyrystym. Biraq ýaqyt óte kele sharshaý paida boldy. Senimnen sharshaý emes, ainaladaǵy ý-shýdan. Ár qamyńdy ańdityndardan, óz-ózińmen bola almaitynyńnan. Bosanǵannan keiin ózim de qaita dúniege kelgendei boldym. Bári burynǵyǵa qaraǵanda názigirek, tereńirek bola túskendei. Dál qazir men tynyshtyqty qalaimyn. Jai ǵana ózimmen ózim bolǵym keledi, oramalsyz, biraq burynǵy senimmen. Meniń senimim eshqaida ketken joq. Jolym úzilgen joq. Qazir jai ǵana basqasha kúige endi. Hidjabqa qaita oralamyn ba? Oralýym da múmkin, ýaqyt kórsetedi. Allah meniń nietimdi kórip turǵanyna senimdimin. Men aqtalyp jatqanym joq jáne qoldaýǵa zárý emespin. Men jai ǵana ishimdegini bólisip jatyrmyn, sebebi shynaiylyq - naǵyz senim sol", - deidi Aiym Altynbekova.
