"تىنىشتىقتى قالايمىن": تانىمال بلوگەر Aeka Posh حيدجابىن شەشتٸ

فوتو: Instagram.com

Aeka Posh لاقاپ اتىمەن تانىمال بلوگەر ايىم التىنبەكوۆا تٶرت جىلدان كەيٸن حيدجابىن شەشكەنٸن مەلٸمدەدٸ, دەپ حابارلايدى Ult.kz.

بلوگەر بۇل تۋرالى ۆيدەو جارييالاپ, ەكٸنشٸ بالاسىن بوسانعاننان كەيٸن سونداي شەشٸمگە كەلگەنٸن ايتتى.

"كەيدە جول اۋىسادى. سەنٸم جوعالعاننان ەمەس, ٸشتە بٸر تىنىشتىق پايدا بولعاننان. قازٸر باسقاشا ەرەكەت ەتۋ كەرەك دەگەندٸ سەزەسٸڭ. مەن حيدجابتى 4 جىل تاقتىم. بۇل سانالى ەرٸ شۋاقتى كەزەڭ بولدى. مەن سول سەنٸممەن ٶمٸر سٷردٸم. كٷيەۋٸم ەكەۋمٸز ۋمرادا 4 رەت بولدىق. ەر بارعان سايىن رۋحاني تولاستاۋ ٷشٸن, جاقىنداۋ ٷشٸن, مۇنىڭ بەرٸن نە ٷشٸن ەكەنٸن ٶزٸمە قايتا ەسٸمە سالۋ ٷشٸن. مەن قولىمنان كەلگەننٸڭ بەرٸن جاسادىم. ٸزدەندٸم, وقىدىم, تىرىستىم. بٸراق ۋاقىت ٶتە كەلە شارشاۋ پايدا بولدى. سەنٸمنەن شارشاۋ ەمەس, اينالاداعى ۋ-شۋدان. ەر قامىڭدى اڭديتىنداردان, ٶز-ٶزٸڭمەن بولا المايتىنىڭنان. بوسانعاننان كەيٸن ٶزٸم دە قايتا دٷنيەگە كەلگەندەي بولدىم. بەرٸ بۇرىنعىعا قاراعاندا نەزٸگٸرەك, تەرەڭٸرەك بولا تٷسكەندەي. دەل قازٸر مەن تىنىشتىقتى قالايمىن. جاي عانا ٶزٸممەن ٶزٸم بولعىم كەلەدٸ, ورامالسىز, بٸراق بۇرىنعى سەنٸممەن. مەنٸڭ سەنٸمٸم ەشقايدا كەتكەن جوق. جولىم ٷزٸلگەن جوق. قازٸر جاي عانا باسقاشا كٷيگە ەندٸ. حيدجابقا قايتا ورالامىن با? ورالۋىم دا مٷمكٸن, ۋاقىت كٶرسەتەدٸ. اللاح مەنٸڭ نيەتٸمدٸ كٶرٸپ تۇرعانىنا سەنٸمدٸمٸن. مەن اقتالىپ جاتقانىم جوق جەنە قولداۋعا زەرۋ ەمەسپٸن. مەن جاي عانا ٸشٸمدەگٸنٸ بٶلٸسٸپ جاتىرمىن, سەبەبٸ شىنايىلىق - ناعىز سەنٸم سول", - دەيدٸ ايىم التىنبەكوۆا.