Almatyda turǵyn úidiń bir páterinen intimdik qyzmet kórsetetin oryn anyqtaldy. Bul týraly 5 qazanda qalalyq Politsiia departamenti málimdedi, dep habarlaidy ult.kz.
Politsiiaǵa turǵyn úidegi kúmándi qyzmet týraly aqparat «102» arnasyna túsken. Oqiǵa ornyna «Býran-220» patrýldik ekipajy barǵan.
Politsiia qyzmetkerleri jalǵa alynǵan páterden 20-35 jas aralyǵyndaǵy tórt áieldi anyqtaǵan.
Aldyn ala málimet boiynsha, olardyń árqaisysynyń óz mindeti bolǵan. Biri ákimshilik jumystarmen ainalyssa, ekinshisi tapsyrystar qabyldaǵan. Qalǵan eki áiel intimdik qyzmet kórsetken bolýy múmkin.
Tekserý barysynda áielderdiń barlyǵy Qazaqstannyń ár óńirinen Almatyǵa kelgeni anyqtalǵan. Olardy barlyq mán-jaidy anyqtaý úshin Almaly aýdandyq politsiia basqarmasyna jetkizdi.
Qazir politsiia áielderdiń jeke basyn anyqtap, atalǵan orynnyń yqtimal uiymdastyrýshylary men ielerin izdestirip jatyr.
Tekserý aiaqtalǵannan keiin oqiǵaǵa quqyqtyq baǵa beriledi.
