Halyqaralyq Túrki akademiiasy (TWESCO) uly oishyl Abaidyń 175 jyldyq mereitoiyn halyqaralyq deńgeide atap ótý maqsatynda onlain konferentsiia ótkizedi, dep habarlaidy "Ult aqparat".
Konferentsiia Halyqaralyq Túrki akademiiasynyń qurylǵanyna 10 jyl tolýyna orai uiymdastyrylady. Taqyryby - «Abai jáne HHI ǵasyr: dáýirler sabaqtastyǵy».
Onlain-video formatyndaǵy konferentsiiaǵa TWESCO prezidenti Darhan Qydyráli, Túrki keńesi Bas hatshysynyń orynbasary Sultan Raev, Túrkitildes elder Parlamenttik Assambleia keńesiniń (TIýRKPA) Bas hatshysy Altynbek Mamaiýsýpov, Túrki mádenieti jáne mirasy qorynyń prezidenti Gúnai Efendieva, Túrki mádenietiniń halyqaralyq uiymy (TIýRKSOI) Bas hatshysynyń orynbasary Bilál Chaqyjy, Qazaqstan Respýblikasynyń Mádeniet jáne sport ministri Aqtoty Raiymqulova, Qazaqstan Respýblikasynyń Bilim jáne ǵylym ministri Ashat Aimaǵambetov, Qyrǵyz Respýblikasynyń Mádeniet, aqparat jáne týrizm ministri Azamat Jamankýlov, Qazaqstan Respýblikasynyń Syrtqy ister ministrligi, erekshe tapsyrmalar jónindegi elshisi Batyrhan Qurmanseiit jáne Ázerbaijan, Bashqurtstan (RF), Qazaqstan, Qyrǵyzstan, Majarstan, Mońǵoliia, Ózbekstan jáne Túrkiia elderiniń tanymal túrkolog ǵalymdary qatysady dep josparlanýda.
Shara barysynda Halyqaralyq Túrki akademiiasy basyp shyǵarǵan hákim Abaidyń túrik, ázerbaijan, qyrǵyz, ózbek tilderine aýdarylǵan shyǵarmalarynyń tusaýy kesiledi. Atap aitqanda, ázerbaijan jáne ózbek tilderinde Abaidyń «Qara sózderi», qyrǵyz tilinde «Abai óleńderiniń akademiialyq jinaǵy», túrik tilinde «Abai joly» epopeiasy (2 tom), Abai týraly maqalalar jáne Abai «Qara sózderi» men óleńderiniń (4 kitap) tanystyrylymy ótedi.
Ótetin kúni jáne orny: 21 mamyr, «Egemen Qazaqstan» gazeti kóshesi, 5/13 mekenjaiy.
