حالىقارالىق تٷركٸ اكادەميياسى (TWESCO) ۇلى ويشىل ابايدىڭ 175 جىلدىق مەرەيتويىن حالىقارالىق دەڭگەيدە اتاپ ٶتۋ ماقساتىندا ونلاين كونفەرەنتسييا ٶتكٸزەدٸ, دەپ حابارلايدى "ۇلت اقپارات".
كونفەرەنتسييا حالىقارالىق تٷركٸ اكادەميياسىنىڭ قۇرىلعانىنا 10 جىل تولۋىنا وراي ۇيىمداستىرىلادى. تاقىرىبى - «اباي جەنە ححٸ عاسىر: دەۋٸرلەر ساباقتاستىعى».
ونلاين-ۆيدەو فورماتىنداعى كونفەرەنتسيياعا TWESCO پرەزيدەنتٸ دارحان قىدىرەلٸ, تٷركٸ كەڭەسٸ باس حاتشىسىنىڭ ورىنباسارى سۇلتان راەۆ, تٷركٸتٸلدەس ەلدەر پارلامەنتتٸك اسسامبلەيا كەڭەسٸنٸڭ (تيۋركپا) باس حاتشىسى التىنبەك مامايۋسۋپوۆ, تٷركٸ مەدەنيەتٸ جەنە ميراسى قورىنىڭ پرەزيدەنتٸ گٷناي ەفەنديەۆا, تٷركٸ مەدەنيەتٸنٸڭ حالىقارالىق ۇيىمى (تيۋركسوي) باس حاتشىسىنىڭ ورىنباسارى بيلەل چاقىجى, قازاقستان رەسپۋبليكاسىنىڭ مەدەنيەت جەنە سپورت مينيسترٸ اقتوتى رايىمقۇلوۆا, قازاقستان رەسپۋبليكاسىنىڭ بٸلٸم جەنە عىلىم مينيسترٸ اسحات ايماعامبەتوۆ, قىرعىز رەسپۋبليكاسىنىڭ مەدەنيەت, اقپارات جەنە تۋريزم مينيسترٸ ازامات جامانكۋلوۆ, قازاقستان رەسپۋبليكاسىنىڭ سىرتقى ٸستەر مينيسترلٸگٸ, ەرەكشە تاپسىرمالار جٶنٸندەگٸ ەلشٸسٸ باتىرحان قۇرمانسەيٸت جەنە ەزەربايجان, باشقۇرتستان (رف), قازاقستان, قىرعىزستان, ماجارستان, موڭعولييا, ٶزبەكستان جەنە تٷركييا ەلدەرٸنٸڭ تانىمال تٷركولوگ عالىمدارى قاتىسادى دەپ جوسپارلانۋدا.
شارا بارىسىندا حالىقارالىق تٷركٸ اكادەميياسى باسىپ شىعارعان حەكٸم ابايدىڭ تٷرٸك, ەزەربايجان, قىرعىز, ٶزبەك تٸلدەرٸنە اۋدارىلعان شىعارمالارىنىڭ تۇساۋى كەسٸلەدٸ. اتاپ ايتقاندا, ەزەربايجان جەنە ٶزبەك تٸلدەرٸندە ابايدىڭ «قارا سٶزدەرٸ», قىرعىز تٸلٸندە «اباي ٶلەڭدەرٸنٸڭ اكادەمييالىق جيناعى», تٷرٸك تٸلٸندە «اباي جولى» ەپوپەياسى (2 توم), اباي تۋرالى ماقالالار جەنە اباي «قارا سٶزدەرٸ» مەن ٶلەڭدەرٸنٸڭ (4 كٸتاپ) تانىستىرىلىمى ٶتەدٸ.
ٶتەتٸن كٷنٸ جەنە ورنى: 21 مامىر, «ەگەمەن قازاقستان» گازەتٸ كٶشەسٸ, 5/13 مەكەنجايى.
