«Otbasy bank» AQ basqarma tóraǵasy Lázzat Ibragimova zeinetaqynyń bir bóligin alý tártibine sáikes, týys adamdar bir-birinen úi satyp ala almaitynyn málim etti, dep habarlaidy QazAqparat.
«Eń bastysy, operatsiianyń bári qolma-qol aqshasyz júrgiziletinin atap ótý kerek. Aldamshy kelisimsharttardyń aldyn alyp, aqshany amaldap alyp shyǵý jaǵdaiyna jol bermes úshin týysqan adamdar arasyndaǵy kelisimsharttarǵa tyiym salynady. Iaǵni, men ózimniń baýyrlarymnan, sińlilerimnen, atamnan nemese ájemnen úi nemese páter satyp ala almaimyn. Osylaisha, erejelerde búkil mehanizm jazylǵan», - dedi Lázzat Ibragimova Ortalyq kommýnikatsiialar qyzmetiniń alańynda ótken baspasóz máslihatynda.
Eske sala ketsek, buǵan deiin qurylys jəne turǵyn úi-kommýnaldyq sharýashylyq isteri komiteti tóraǵasynyń orynbasary Erkebulan Daýylbaev azamattar zeinetaqy jinaǵynyń bir bóligin qandai jaǵdaida paidalana alatynyn túsindirgen bolatyn.
