«وتباسى بانك» اق باسقارما تٶراعاسى لەززات يبراگيموۆا زەينەتاقىنىڭ بٸر بٶلٸگٸن الۋ تەرتٸبٸنە سەيكەس, تۋىس ادامدار بٸر-بٸرٸنەن ٷي ساتىپ الا المايتىنىن مەلٸم ەتتٸ, دەپ حابارلايدى قازاقپارات.
«ەڭ باستىسى, وپەراتسييانىڭ بەرٸ قولما-قول اقشاسىز جٷرگٸزٸلەتٸنٸن اتاپ ٶتۋ كەرەك. الدامشى كەلٸسٸمشارتتاردىڭ الدىن الىپ, اقشانى امالداپ الىپ شىعۋ جاعدايىنا جول بەرمەس ٷشٸن تۋىسقان ادامدار اراسىنداعى كەلٸسٸمشارتتارعا تىيىم سالىنادى. ياعني, مەن ٶزٸمنٸڭ باۋىرلارىمنان, سٸڭلٸلەرٸمنەن, اتامنان نەمەسە ەجەمنەن ٷي نەمەسە پەتەر ساتىپ الا المايمىن. وسىلايشا, ەرەجەلەردە بٷكٸل مەحانيزم جازىلعان», - دەدٸ لەززات يبراگيموۆا ورتالىق كوممۋنيكاتسييالار قىزمەتٸنٸڭ الاڭىندا ٶتكەن باسپاسٶز مەسليحاتىندا.
ەسكە سالا كەتسەك, بۇعان دەيٸن قۇرىلىس جəنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ تٶراعاسىنىڭ ورىنباسارى ەركەبۇلان داۋىلباەۆ ازاماتتار زەينەتاقى جيناعىنىڭ بٸر بٶلٸگٸن قانداي جاعدايدا پايدالانا الاتىنىن تٷسٸندٸرگەن بولاتىن.
