Shymkent qalasy elimizdegi úshinshi megapoliske ainalýy úshin sáýletti qurylys pen infraqurylymdyq jaraqtandyrylýy álemdegi órkenietti qalalarǵa tán damýy tiis. Bul rette qalaǵa kireberis qaqpalar men jolairyqtardy, ainalma jáne ishki oram joldardyń sapaly jasalýyna asa mán bergen jón. Sondai-aq qurylystyń bastalýyn tym uzartyp jiberetin jobalaý-smetalyq qujattamalar zamanaýi úlgide ázirlenýi kerek. Búgin bul týraly Shymkent qalasyndaǵy qurylys nysandarynyń barysy talqylanǵan jiynda Ońtústik Qazaqstan oblysynyń ákimi Janseiit Túimebaev málim etti.
OQO ákiminiń baspasóz qyzmetiniń habarlaýynsha, biyl Shymkent qalasynda 20 áleýmettik nysannyń qurylysy júrip jatyr. Onyń ishinde 15 mektep, 2 sport, 2 mádeniet, 1 abattandyrý nysandary bar. Atalǵan 20 nysannyń 11-i jyl sońyna deiin el igiligine tapsyrylatyn bolady. Al qalǵan 9 nysannyń qurylysy 2018 jylǵa ótpeli.
Budan bólek, qalada jalpy aýmaǵy 151 myń 228 sharshy metrdi quraityn 42 turǵyn úidiń qurylysy júrgizilýde. Onyń 26-sy kommýnaldyq, 16-sy kredittik turǵyn úi sanalady. Sonyń 30 turǵyn úii jyl sońyna deiin paidalanýǵa berilýi tiis. Qalǵan 16 úidiń bitý kezeńi 2018 jylǵa ótpeli.
«Biylǵy jyly Shymkent qalasynda 10 injenerlik infraqurylym nysanynyń qurylysy jalǵasýda. Búgingi kúnge 2 nysan paidalanýǵa berilse, jyl sońyna deiin 1 nysannyń qurylysy aiaqtalady dep kútilýde. Al qalǵan 7 nysannyń qurylysy 2018 jyly paidalanýǵa beriletin bolady» , - dedi Shymkent qalasy ákiminiń orynbasary Nuralhan Kósherov.
Munan bólek «Nurly jer» baǵdarlamasy aiasynda jalpy 107 nysanǵa jobalaý-smetalyq qujattamalaryn ázirleý jumystary júrgizilýde.
2017 jyly Shymkent qalasynyń infraqurlymyn damytý maqsatynda 14,5 mlrd teńge qarjy bólinip, 2016 jyly qurylysy bastalǵan 9 nysandy aiaqtaýǵa 1,6 mlrd teńge jumsalmaq. 83 kóshe ortasha jóndeý jáne 12 aiaqjol salý jumystaryna 970,8 mln baǵyttalǵan. Eń mańyzdysy – qaladaǵy 4 jolairyqtardyń qurylysyna jobalyq smetalyq qujattar ázirlenýde. Desek te, Shymkent qalasyndaǵy 19 nysannyń qurylysy sozylyp, merziminde aiaqtalmai, paidalanýǵa tapsyrý merzimi keshigýi anyqtalyp otyr. 19 nysannyń 13 nysany 2015-2016 jyldardan ótpeli bolsa, 6 nysany 2017 jyly bastalǵan. Buǵan sebep óte kóp. Kóbinde jobalaý-smetalyq qujattamalar daiyndaý úrdisi kesheýildep, memleket muqtajyna qaitarylatyn jer telimderiniń merziminiń sozylýy qolbailaý bolyp otyr.
«Qurylystyń kesheýildeýine kedergiler óte kóp. Sonyń biri – jabalaý-smetalyq qujattama ázirleý úrdisi. Bul qujatty ázirleýge 4 ai ýaqyt ketedi. Sondyqtan sheteldik tájiribeni paidalanyp, ázirleý jumystaryn zamanaýilandyrý qajet. Osy rette men túrkiialyq áriptesterdiń tájiribesin paidalanýdy jáne ózimizde qoldanysqa engizýdi tapsyramyn. Tipti qajet bolsa, seminar-treningter ótkizip, qurylysqa jaýapty merdigerlerdiń de jaýapkershiligin arttyrýǵa tiispiz», - dedi Janseiit Qanseiituly.
Jiyn barysynda qalamyzdaǵy Qonaev dańǵylyn batys baǵytyna qarai damytý ári aspaly kópirler men jolairyqtardyń sapaly ári tiimdi bolýy tapsyryldy.
