Búgin oblys ákimi Janseiit Túimebaev Aqsý taýyndaǵy ózen sýlar men muzdaq kólderdiń jaǵdaiyn tikushaqpen sholyp shyqty, dep habarlaidy ákimniń baspasóz qyzmeti.
Ońtústik Qazaqstan oblysyndaǵy biik taýly aimaqtarynda 40 muzdaq kól anyqtalyp otyr. Al olardyń erýinen quralatyn Ógem ózenin úsh aýdanda turatyn 700 myń turǵyndy aýyz sýmen qamtamasyz etý josparlanýda. Osy rette Ógem transshekaralyq ózenge jatatyndyqtan Ózbekstanmen aldyn ala kelissózder júrgizilip, sýdy birigip paidalanýǵa qol jetkizilgen bolatyn. Endigi másele - aýyz sý tartýǵa baǵyttalǵan jobany iske asyrýdy ǵylymi turǵydan durys josparlaý kerek. Búgin bul týraly 3340 - 3500 metr biiktiktegi Ógem jotasynyń Aqsý taýyndaǵy ózen sýlar men muzdaq kólderdiń jaǵdaiyn tikushaqpen sholyp shyqqan oblys ákimi Janseiit Túimebaev málim etti.
Eń aldymen oblys ákimi mingen tikushaq Badam ózenin boilai ushyp, Tólebi, Túlkibas aýdandaryndaǵy taýly alqaptardy barlap shyqty. Sóitip, taýly alqaptardaǵy muzdaq kólder ústimen áýeden sholý jasady. Taýly tóbesindegi kólde oblys ákiminiń tóraǵalyǵymen májilis ótti. Onda óńirimizdegi tasqyn sýdyń aldyn alý, qosymsha shaǵyn qoimalardyń qurylysyn júrgizý, Ógem ózeniniń sýyn tiimdi paidalaný máseleleri talqylandy.
Kún tártibindegi ózekti másele boiynsha baiandama jasaǵan oblystyq tótenshe jaǵdailar departamentiniń basshysy Nurbolat Derbisov ózen-kólderdegi tasqynnyń aldyn alý sharalarynyń barysyna toqtaldy. «Oblys aýmaǵyndaǵy ózen-kólderde 86,95 shaqyrymdyq qorǵanys dambalary ornatylǵan. Búginde olardaǵy qaýipsizdik jaǵdailary jiti qadaǵalaýda», - deidi ol.
Taýly alqaptardaǵy muzdaq kólderdiń búgingi jai-kúii týraly QR IIM TJK «Qazseldenqorǵaý» OQO aimaqtyq paidalaný tehnikalyq basqarmasy filialynyń direktory Erbol Álzaq birqatar ózekti máselelerdi baiandady.
Onyń aityýnsha, ótken jylǵy zertteý jumystarynyń nátijesinde oblystyń taýly aimaqtarynda 40 muzdaq kóldiń bar ekeni anyqtalǵan. Onyń ishinde 7-i kómilgen kólder sanatyna jatady.
«Ońtústik Qazaqstan oblysynyń aýmaǵynda Qarjantaý, Ógem jáne Maidantal taýly jotalaryna biyl 1 ret aerovizýaldy jáne 4 ret jerústi zertteý jumystary júrgizilgen. Júrgizilgen zertteýlerdiń qorytyndysy boiynsha muzdyq kólderden tónip turǵan qaýip joq ekendigi anyqtalyp otyr», - dedi E. Álzaq.
Aǵymdaǵy jylǵa oblys biýdjeti tarapynan aerovizýaldy jumystaryn júrgizýge 32 mln teńge qarastyrylsa, búgingi kúnge onyń 19 mln teńgesi igerilgen.
Májilis barysynda óńir basshysy oblys aýmaǵyndaǵy tasqyn sýdyń aldyn alý, ózen-kólder men bógetterdiń qazirgi ahýalyn baqylaý, taý bókterindegi muzdaq kólderdi baqylaý boiynsha jaýapty sala basshylaryna tapsyrma berdi. Sondai-aq Ógem ózeninen Saryaǵash, Maqtaral, Qazyǵurt aýdandaryna aýyz sý tartý maqsatyndaǵy jumystardy da nazarda ustaýdy tapsyrdy.
«Oblysymyzda jylda kóktemgi mezgilderde tasqyn sýdan qaýip tónedi. Osy rette aldaǵy jyly 30 shaǵyn sý qoimalarynyń qurylysyn júrgizýdi josparlap otyrmyz. Sonymen qatar Ógem ózeniniń sýyn aýyz sý rettinde paidalanýdy qolǵa alyp otyrmyz. Ol úshin ózen bókterinen gidroelektrostantsiiasynyń qurylysyn júrgizip, sý qubyrlaryn taý ústimen alyp ótý kerek. Bul rette ǵalymdar men tiisti sala mamandarymen tyńǵylyqty jumys jasap, iske asyrylatyn jobanyń qurylysyn sapaly ári tiimdi etip ázirleýdi tapsyramyn », - dedi J. Túimebaev.
Eske sala keteiik, biylǵy jyldyń 15 aqpanynda Qazaqstan men Ózbekstan Úkimeti ókilderiniń ekijaqty yntymaqtastyqty jetildirý máseleleri jónindegi birlesken jumys toby basqosqan bolatyn. Atalǵan májiliste Ógem ózeninen sekýndyna 3-3,5 tekshe metrge deiin sýdy alyp, Qazyǵurt, Saryaǵash, Maqtaaral aýdany turǵyndaryna aýyz sý retinde paidalaný máselesi qaralyp, oń sheshimin tapty.
