Jol muraty – jetý. Al dittegen jerińe sharshamai, qiyndyqsyz barýǵa jol boiyndaǵy servistik qyzmetter men infraqurylymdyq nysandardyń talapqa sai bolýy zor mańyzǵa ie. Bul jóninde «Batys Eýropa-Batys Qytai» halyqaralyq kólik dálizindegi jol qurylysynyń barysymen tanysqan Ońtústik Qazaqstan oblysynyń ákimi Janseiit Túimebaev málim etti.
«Eldiń órkendep, kemeldengenin bilgiń kelse, jolyna qara» degen sóz beker aitylmaǵan. Barys-kelis pen alys-beriste jol qatynastary airyqsha mánge ie. Erte kezderde jerimizdegi iri qalalardyń kóbisi Uly Jibek jolyn jaǵalai qonys tepken. Qazirgi tańda qainaǵan tirshilikter osyndai kúre joldardyń boiynda shoǵyrlanǵan. Joldar shyn mánisinde ómirdiń ózegi, baqýatty tirliktiń qainar kózi. Sondyqtan jol boiyndaǵy infroqurylymdyq nysandardy halyqaralyq talapqa sai etip salýymyz kerek. Sonda óńirimizge týrister kóbeietin bolady», - dedi aimaq basshysy Janseiit Qanseiituly.
Sondai-aq ákim, birneshe myń shaqyrymdy artqa tastap shyǵatyn jolaýshylar úshin yńǵaily bolý maqsatynda atalǵan jol boiyna beketter salýdy tapsyrdy. Iaǵni, «Batys Eýropa-Batys Qytai» jolynda bolashaqta janarmai quiatyn beketter men dúkender, ashanalar, tipti shaǵyn motelder de boi kóteretin bolady.
Birqatar ýchaskelerinde paida bolǵan aqaýlarǵa bailanysty joldyń bir jaq bóligi jabylyp, ekinshi jaǵynda jóndeý jumystary júrgizilýde. Qurylys jumystary tiisti dárejede atqarylmaý saldarynan qurylys-montajdaý jumystary belgilengen ýaqytta aiaqtalmai sozylyp jatatynyn synǵa alǵan oblys ákimi bul jaǵdai, jol-kólik oqiǵalarynyń artyp, adamdardyń mezgilsiz qaza bolýyna sebep bolyp jatqandyǵyn jetkizdi. Tiisti sala jetekshilerine merdiger mekemelermen jumysty kúsheitýdi júktedi.
Halyqaralyq mańyzdaǵy joldardyń birshama bóliginiń sapasyz ne bolmasa jolaýshylar úshin yńǵaisyz jasalǵanyna toqtalǵan J.Túimebaev sheteldik merdiger mekemelerdiń basshylaryna joldy retke keltirý jumystaryn 1 qyrkúiekten keshiktirmeýdi tapsyrdy.
Aita keteiik, halyqaralyq kólik dálizi Ońtústik óńirindegi barlyq eldi mekenderdiń 70 paiyzyn kesip ótedi. Oblys boiynsha respýblikalyq mańyzy bar avtojoldardyń jalpy uzyndyǵy 837 shaqyrymdy quraidy, onyń ishinde «Batys Eýropa –Batys Qytai» tranzittik dálizi qurylysy úsh baǵytta 420 shaqyrymdy alyp jatyr.
