Qazaqstanda tutynýshylar quqyǵyn qorǵaityn qoǵamdyq uiymdar bir qaýymdastyqqa birigedi. Bul týraly IH Azamattyq forýmda QR Saýda jáne integratsiia ministri Baqyt Sultanov aityp berdi, dep habarlaidy QazAqparat.
«Prezident ótken jylǵy halyqqa Joldaýynda azamattyq qoǵamdy qoldaý men nyǵaitý qajettigin atap ótti. Dál osy ideia jáne jazda engizilgen túzetýlerimiz tutynýshylar quqyǵyn qorǵaý júiesin aitarlyqtai ózgertti. Onyń ishinde tutynýshylardyń buzylǵan quqyqtaryn qalpyna keltirý, qoǵamdyq baqylaýdy engizý, qoǵamdyq birlestikterge tutynýshylyq daýlardy sotqa deiin retteý sýbektileri retinde quqyqtar berý mańyzdy», - dedi ministr IH Azamattyq forýmda úkimettik emes uiymdarmen kezdesý barysynda.
Onyń aitýynsha, qoǵamdyq uiymdardy bir qaýymdastyqqa biriktirý boiynsha úlken jumys júrgizilýde. Bul sheshim birlestikter institýtyn «Sannan sapaǵa» qaǵidaty boiynsha qaita formattaýǵa, olardyń tutynýshylardyń quqyqtaryn qorǵaý júiesine yqpalyn kúsheitý úshin birlestikterdiń mártebesin kóterýge, barlyq úkimettik emes uiymdar úshin teń múmkindikterdi qamtamasyz etýge, olardyń qyzmetindegi tar beiindi baǵyttardy damytýǵa, memlekettiń tutynýshylyq daýlardy sheshýge qatysýyn barynsha azaitýǵa kómektesedi.
«Tutynýshylardyń quqyqtaryn qorǵaý jónindegi ombýdsmen birlestiktiń «rýpory» rólin atqarady jáne uiymnyń ókildik fýnktsiialaryn ózine alady. Ol qaýymdastyq atynan Parlament pen Úkimetke júgine alady. Qaýymdastyq pen ombýdsmen ókilettikteri men derbestigi jańa institýttardyń táýelsizdigine kepil bolady. Bul rette tutynýshylyq shaǵymdardy qabyldaýdyń biryńǵai aqparattyq júiesi jumys isteidi jáne aqparattyń negizgi kózi bolady. Osy múmkindikti paidalana otyryp, tutynýshylardyń quqyqtaryn qorǵaý salasyndaǵy qoǵamdyq birlestikterdi platformaǵa qosylýǵa shaqyramyn», - dedi B. Sultanov.
