Foto: Stan.kz
Atyraý oblysy politsiiasy kisi óltirýge kúdikti Sultan Sársemáliev pen onyń jubaiy Aqbaiannyń Qazaqstan shekarasyn Ózbekstan arqyly kesip ótkenin málimdedi, dep habarlaidy Ult.kz Politico.kz saityna silteme jasap.
Politsiia deregine sáikes, Aqbaian iz-túzsiz joǵalǵan adam retinde resmi túrde izdestirilip jatyr. Al negizgi kúdikti Sultan Sársemáliev halyqaralyq “qyzyl deńgeidegi” izdeý tizimine engizilgen. Bul mártebe oǵan qai memleket aýmaǵynda bolmasyn, shekaradan ótýge áreket jasaǵan sátte, áýe nemese temirjol kóligine mingende, ne kópshilik orynda anyqtalǵan jaǵdaida birden ustaý mindetin júkteidi.
Tergeý málimetteri boiynsha, kúdiktiler Qazaqstan aýmaǵynan Ózbekstan arqyly shyǵyp, keiin ózge memleketterde baiqalǵan.
«Biz olardyń qazirgi ornalasqan jerinen habardarmyz. Qazir halyqaralyq quqyqtyq rásimder júrgizilip jatyr. Jaqyn arada ustalady dep kútilýde», – dep habarlady politsiia ókilderi.
Sonymen qatar quqyq qorǵaý organdary Aqbaiannyń densaýlyǵynda belgili bir máseleler bar ekenin rastady. Alaida ol zańdy túrde áreketke qabiletsiz dep tanylmaǵan, sondai-aq birinshi toptaǵy múgedektik týraly sot sheshimi shyǵarylmaǵan.
