فوتو: Stan.kz
اتىراۋ وبلىسى پوليتسيياسى كٸسٸ ٶلتٸرۋگە كٷدٸكتٸ سۇلتان سەرسەمەليەۆ پەن ونىڭ جۇبايى اقباياننىڭ قازاقستان شەكاراسىن ٶزبەكستان ارقىلى كەسٸپ ٶتكەنٸن مەلٸمدەدٸ, دەپ حابارلايدى Ult.kz Politico.kz سايتىنا سٸلتەمە جاساپ.
پوليتسييا دەرەگٸنە سەيكەس, اقبايان ٸز-تٷزسٸز جوعالعان ادام رەتٸندە رەسمي تٷردە ٸزدەستٸرٸلٸپ جاتىر. ال نەگٸزگٸ كٷدٸكتٸ سۇلتان سەرسەمەليەۆ حالىقارالىق “قىزىل دەڭگەيدەگٸ” ٸزدەۋ تٸزٸمٸنە ەنگٸزٸلگەن. بۇل مەرتەبە وعان قاي مەملەكەت اۋماعىندا بولماسىن, شەكارادان ٶتۋگە ەرەكەت جاساعان سەتتە, ەۋە نەمەسە تەمٸرجول كٶلٸگٸنە مٸنگەندە, نە كٶپشٸلٸك ورىندا انىقتالعان جاعدايدا بٸردەن ۇستاۋ مٸندەتٸن جٷكتەيدٸ.
تەرگەۋ مەلٸمەتتەرٸ بويىنشا, كٷدٸكتٸلەر قازاقستان اۋماعىنان ٶزبەكستان ارقىلى شىعىپ, كەيٸن ٶزگە مەملەكەتتەردە بايقالعان.
«بٸز ولاردىڭ قازٸرگٸ ورنالاسقان جەرٸنەن حاباردارمىز. قازٸر حالىقارالىق قۇقىقتىق رەسٸمدەر جٷرگٸزٸلٸپ جاتىر. جاقىن ارادا ۇستالادى دەپ كٷتٸلۋدە», – دەپ حابارلادى پوليتسييا ٶكٸلدەرٸ.
سونىمەن قاتار قۇقىق قورعاۋ ورگاندارى اقباياننىڭ دەنساۋلىعىندا بەلگٸلٸ بٸر مەسەلەلەر بار ەكەنٸن راستادى. الايدا ول زاڭدى تٷردە ەرەكەتكە قابٸلەتسٸز دەپ تانىلماعان, سونداي-اق بٸرٸنشٸ توپتاعى مٷگەدەكتٸك تۋرالى سوت شەشٸمٸ شىعارىلماعان.
