Tanymal ázilkesh Tursynbek Qabatov kópshilik aldyna shyǵyp, shyǵarmashylyǵy men aldaǵy josparlary týraly alǵash ret suhbat berdi. Óner iesi kontsert berýdi áli de toqtatpaǵanyn aitty, dep habarlaidy ult.kz.
Onyń sózinshe, qazir jylyna eki ret gastroldik saparǵa shyǵady. Biyl Qazaqstannan bólek Qyrǵyzstan, Ózbekstan jáne AQSh-ta óner kórsetýdi josparlap otyr.
«Bir jylda eki gastrolge shyǵamyn. Qazir osy jylǵy 25-kontsertimdi bergeli jatyrmyn. Biyl Qyrǵyzstan, Ózbekstan, AQSh-qa bara jatyrmyn. Kórermenderim bar, Allaǵa shúkir. Árdaiym zal lyq toly otyrady», – dedi Tursynbek Qabatov.
Ázilkesh sonymen qatar ózin árdaiym qoldap, áleýmettik jelide jyly pikir qaldyratyn kórermenderine alǵysyn bildirdi.
«Men týraly suhbat shyǵyp jatsa, 50/50 maǵan jany ashyp, aqtap alyp jatady. Jaqsy sózder jazyp jatady», – dedi ol.
Óner iesi kórermenniń qoldaýy ózine úlken kúsh beretinin atap ótti.
Tursynbek Qabatov kim?
Tursynbek Qabatov - qazaqstandyq tanymal ázilkesh, akter, KVN oiynshysy jáne satira janrynyń ókili. Ol qazaqy iýmordy, kúndelikti turmystaǵy jaǵdailar men qoǵamdaǵy túrli qubylystardy ázil arqyly jetkizýimen kópshilikke tanylǵan.
Tursynbek Amanǵaliuly Qabatov 1979 jyly 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen. Sáken Seifýllin atyndaǵy Qazaq agrotehnikalyq ýniversitetin támamdaǵan. Óner jolyn 2000 jyly Ǵarifolla Qurmanǵaliev atyndaǵy Batys Qazaqstan oblystyq filarmoniiasynan bastaǵan.
2001 jyldan bastap KVN sahnasyna shyǵyp, «Agrarka sarbazdary», «Astana.kz», «Qazaqi» sekildi komandalarda óner kórsetken. Keiin jeke ázil keshterin ótkizip, telejobalarǵa qatysty. 2011 jyldan «Ázil álemi» ázil-syqaq teatrynyń direktory boldy.
2015 jyly oǵan Qazaqstannyń eńbek sińirgen qairatkeri ataǵy berilgen.
Qazir de Tursynbek Qabatov jeke kontsertterin ótkizip, gastroldik saparmen túrli elderde óner kórsetip júr.
Tursynbek Qabatovtyń burynǵy áieli - Móldir Muqanova. Ekeýi stýdent kezinen tanysyp, 2003 jyly shańyraq kótergen. Otbasynda bes bala - úsh qyz jáne eki ul dúniege kelgeni týraly derek bar.
2025 jyly Móldir Muqanova Janar Baisemizge bergen suhbatynda Qabatovpen zańdy túrde ajyrasyp ketkenin alǵash ret ashyq aitty. Onyń sózinshe, otbasynyń saqtalýyn uzaq ýaqyt qalaǵan, alaida keiin ekeýi eki jaqqa ketken. Móldir ajyrasýǵa qatysty alǵashqy zańdy qadamdy ózi jasaýǵa májbúr bolǵanyn aitqan.
Móldir suhbatynda olardyń qarym-qatynasy birneshe jyl boiy kúrdeli bolǵanyn aityp, otbasyn saqtap qalýǵa tyrysqanyn jetkizdi. Ol Qabatovty «óte jaqsy áke» dep ataǵanymen, otbasy ishindegi máseleler týraly tolyq málimet bere almaitynyn aitqan.
Osy suhbattan keiin Tursynbek Qabatov ta óz jaýabyn jariialap, balalarymen bailanysyn úzbegenin jáne olardy jaqsy kóretinin aitty.
Qazir Qabatovtyń jeke ómirine qatysty aqparattarda onyń Aiman Talǵatqyzymen birge ekeni jáne olardyń eki uly bar ekeni jazylǵan.
