تانىمال ەزٸلكەش تۇرسىنبەك قاباتوۆ كٶپشٸلٸك الدىنا شىعىپ, شىعارماشىلىعى مەن الداعى جوسپارلارى تۋرالى العاش رەت سۇحبات بەردٸ. ٶنەر يەسٸ كونتسەرت بەرۋدٸ ەلٸ دە توقتاتپاعانىن ايتتى, دەپ حابارلايدى ult.kz.

ونىڭ سٶزٸنشە, قازٸر جىلىنا ەكٸ رەت گاسترولدٸك ساپارعا شىعادى. بيىل قازاقستاننان بٶلەك قىرعىزستان, ٶزبەكستان جەنە اقش-تا ٶنەر كٶرسەتۋدٸ جوسپارلاپ وتىر.

«بٸر جىلدا ەكٸ گاسترولگە شىعامىن. قازٸر وسى جىلعى 25-كونتسەرتٸمدٸ بەرگەلٸ جاتىرمىن. بيىل قىرعىزستان, ٶزبەكستان, اقش-قا بارا جاتىرمىن. كٶرەرمەندەرٸم بار, اللاعا شٷكٸر. ەردايىم زال لىق تولى وتىرادى», – دەدٸ تۇرسىنبەك قاباتوۆ.

ەزٸلكەش سونىمەن قاتار ٶزٸن ەردايىم قولداپ, ەلەۋمەتتٸك جەلٸدە جىلى پٸكٸر قالدىراتىن كٶرەرمەندەرٸنە العىسىن بٸلدٸردٸ.

«مەن تۋرالى سۇحبات شىعىپ جاتسا, 50/50 ماعان جانى اشىپ, اقتاپ الىپ جاتادى. جاقسى سٶزدەر جازىپ جاتادى», – دەدٸ ول.

ٶنەر يەسٸ كٶرەرمەننٸڭ قولداۋى ٶزٸنە ٷلكەن كٷش بەرەتٸنٸن اتاپ ٶتتٸ.

تۇرسىنبەك قاباتوۆ كٸم?

 

تۇرسىنبەك قاباتوۆ - قازاقستاندىق تانىمال ەزٸلكەش, اكتەر, كۆن ويىنشىسى جەنە ساتيرا جانرىنىڭ ٶكٸلٸ. ول قازاقى يۋموردى, كٷندەلٸكتٸ تۇرمىستاعى جاعدايلار مەن قوعامداعى تٷرلٸ قۇبىلىستاردى ەزٸل ارقىلى جەتكٸزۋٸمەن كٶپشٸلٸككە تانىلعان.

تۇرسىنبەك امانعاليۇلى قاباتوۆ 1979 جىلى 10 قازاندا باتىس قازاقستان وبلىسى قازتالوۆ اۋدانىنىڭ اقپەتەر اۋىلىندا دٷنيەگە كەلگەن. سەكەن سەيفۋللين اتىنداعى قازاق اگروتەحنيكالىق ۋنيۆەرسيتەتٸن تەمامداعان. ٶنەر جولىن 2000 جىلى عاريفوللا قۇرمانعاليەۆ اتىنداعى باتىس قازاقستان وبلىستىق فيلارمونيياسىنان باستاعان.

2001 جىلدان باستاپ كۆن ساحناسىنا شىعىپ, «اگراركا ساربازدارى», «استانا.kz», «قازاقي» سەكٸلدٸ كوماندالاردا ٶنەر كٶرسەتكەن. كەيٸن جەكە ەزٸل كەشتەرٸن ٶتكٸزٸپ, تەلەجوبالارعا قاتىستى. 2011 جىلدان «ەزٸل ەلەمٸ» ەزٸل-سىقاق تەاترىنىڭ ديرەكتورى بولدى.

2015 جىلى وعان قازاقستاننىڭ ەڭبەك سٸڭٸرگەن قايراتكەرٸ اتاعى بەرٸلگەن.

قازٸر دە تۇرسىنبەك قاباتوۆ جەكە كونتسەرتتەرٸن ٶتكٸزٸپ, گاسترولدٸك ساپارمەن تٷرلٸ ەلدەردە ٶنەر كٶرسەتٸپ جٷر. 

تۇرسىنبەك قاباتوۆتىڭ بۇرىنعى ەيەلٸ - مٶلدٸر مۇقانوۆا. ەكەۋٸ ستۋدەنت كەزٸنەن تانىسىپ, 2003 جىلى شاڭىراق كٶتەرگەن. وتباسىندا بەس بالا - ٷش قىز جەنە ەكٸ ۇل دٷنيەگە كەلگەنٸ تۋرالى دەرەك بار.

2025 جىلى مٶلدٸر مۇقانوۆا جانار بايسەمٸزگە بەرگەن سۇحباتىندا قاباتوۆپەن زاڭدى تٷردە اجىراسىپ كەتكەنٸن العاش رەت اشىق ايتتى. ونىڭ سٶزٸنشە, وتباسىنىڭ ساقتالۋىن ۇزاق ۋاقىت قالاعان, الايدا كەيٸن ەكەۋٸ ەكٸ جاققا كەتكەن. مٶلدٸر اجىراسۋعا قاتىستى العاشقى زاڭدى قادامدى ٶزٸ جاساۋعا مەجبٷر بولعانىن ايتقان.

مٶلدٸر سۇحباتىندا ولاردىڭ قارىم-قاتىناسى بٸرنەشە جىل بويى كٷردەلٸ بولعانىن ايتىپ, وتباسىن ساقتاپ قالۋعا تىرىسقانىن جەتكٸزدٸ. ول قاباتوۆتى «ٶتە جاقسى ەكە» دەپ اتاعانىمەن, وتباسى ٸشٸندەگٸ مەسەلەلەر تۋرالى تولىق مەلٸمەت بەرە المايتىنىن ايتقان.

وسى سۇحباتتان كەيٸن تۇرسىنبەك قاباتوۆ تا ٶز جاۋابىن جارييالاپ, بالالارىمەن بايلانىسىن ٷزبەگەنٸن جەنە ولاردى جاقسى كٶرەتٸنٸن ايتتى.

قازٸر قاباتوۆتىڭ جەكە ٶمٸرٸنە قاتىستى اقپاراتتاردا ونىڭ ايمان تالعاتقىزىمەن بٸرگە ەكەنٸ جەنە ولاردىڭ ەكٸ ۇلى بار ەكەنٸ جازىلعان.