Foto: KazWast
Búgin Májiliste turmystyq qatty qaldyqtardy tiimdi basqarý máselesin talqylaý barysynda turmystyq qaldyqtarǵa qatysty tarifterdi eki, tipti on ese kóterýge usynys boldy dep habarlaidy "Ult Aqparat".
"Qaptama qaldyqtardy áketýge tómen tariftter, salyqtyq preferentsiialardyń bolmaýy, ÓQM bastamasy sheńberinde sýbsidiialaýdyń bolmaýy jáne qaptama qaldyqtaryn suryptaý nátijesinde alynǵan qaitalama shikizat baǵasynyń qubylmalylyǵy bizdiń biznesti paidasy tómen jáne táýekeldi etedi...
Qazirgi jaǵdai kóptegen mekemeleriniń óz qyzmetin toqtatýyna, qalalardaǵy qaitalama shikizatty qabyldaý pýnktteriniń jabylýyna ákeldi. Shyny ydys, karton jáne plastik siiaqty qaptama túrleri az suryptala bastady, olardy qaitalama ainalymǵa az túsetin boldy jáne bul resýrstar poligonǵa kómýge jiberiledi. Sol sebepten bizdiń elimiz milliardtaǵan teńgeni «kómip» jatyr!" -dep otyr «KazWaste» qaldyqtardy basqarý jónindegi qazaqstandyq qaýymdastyǵy basqarma toraǵasy Shynbolat Baiqulov.
Mamannyń sózinshe,qazirgi ýaqytta jumysshylardyń jalaqysy, arnaiy tehnikalardy jóndeý siiaqty shyǵyndardy eseptegende tarif adam basyna 1000-1500 teńge bolýy kerek. Sondai aq korporativtik kommertsiialyq emes qorlar túrinde úsh ÓKM operatoryn qurý qajet dep sanaidy.
"Qaldyqtardy qaita óńdeý salasyn qoldaý men yntalandyrýdy eski "ÓKM operatory" belsendi qyzmet kórsetken bolatyn. 2021 jyldyń qańtarynan bastap biz bul jumysty ROP-tyń jańa operatory - "Jasyl Damý" AQ jalǵastyrady dep úmittendik. Alaida, bizdiń úmitimiz oryndalmady. "Jasyl Damý" 2 jyl ótkennen keiin ǵana sala kásiporyndarynan sýbsidiia tóleý túrinde yntalandyrýǵa ótinimder qabyldaýdy bastady. Bul protsess qalai júretinin ýaqyt kórsetedi", -dep aitty Shynbolat Baiqulov.
Elimizde shamamen 5 mln tonna qaptama qaldyqtar paida bolady eken jáne onyń besten bir bóligi ǵan suryptalady jáne óńdeletin kórinedi. Shynbolat Baiqulovtyń pikirinshe barlyq qurylys salýshylar men menshik ielerin qurylys qaldyqtaryn zańnamalyq deńgeide tek mamandandyrylǵan kompaniialar men poligondarǵa tapsyrýǵa mindetteý qajet ekenin aityp otyr.
"Qurylys qaldyqtary boiynsha esebinsiz qurylys obektilerin paidalanýǵa qabyldamaý qajet. Poligonǵa qabyldanǵan jáne paida bolǵan qurylys qaldyqtaryn salystyryp tekserý kerek", -dep málimdedi «KazWaste» basqarma toraǵasy.
