Atyraýda erler koloniiasyna dron arqyly uialy telefon jetkizbek bolǵan áreket áshkerelendi. Mekeme qyzmetkerleri zańsyz jolmen jetkizilmek bolǵan úsh telefondy tárkiledi, dep habarlaidy ult.kz.
Oqiǵa 8 qyrkúiekke qaraǵan túni shamamen saǵat 01:15-te bolǵan. №15 mekeme qyzmetkerleri koloniia aýmaǵynan shamamen 1,5 shaqyrym jerden dron arqyly belgisiz túiinshekterdi jetkizý áreketin anyqtaǵan.
Tekserý kezinde kartonǵa oralyp, syrtynan skotchpen bekitilgen úsh túiinshek tabyldy. Ishin ashqan kezde olardyń árqaisysynan bir-bir uialy telefon shyqqan.
Oqiǵa ornyna Atyraý qalasy politsiia basqarmasynyń jedel-tergeý toby shaqyryldy.
— Atalǵan derek boiynsha qajetti protsessýaldyq sharalar júrgizilip jatyr. Tekserý qorytyndysy boiynsha qoldanystaǵy zańnamaǵa sáikes tiisti sheshim qabyldanady, — dep habarlady Atyraý oblysy boiynsha Qylmystyq-atqarý júiesi departamenti.
