اتىراۋدا ەرلەر كولونيياسىنا درون ارقىلى ۇيالى تەلەفون جەتكٸزبەك بولعان ەرەكەت ەشكەرەلەندٸ. مەكەمە قىزمەتكەرلەرٸ زاڭسىز جولمەن جەتكٸزٸلمەك بولعان ٷش تەلەفوندى تەركٸلەدٸ, دەپ حابارلايدى ult.kz.
وقيعا 8 قىركٷيەككە قاراعان تٷنٸ شامامەن ساعات 01:15-تە بولعان. №15 مەكەمە قىزمەتكەرلەرٸ كولونييا اۋماعىنان شامامەن 1,5 شاقىرىم جەردەن درون ارقىلى بەلگٸسٸز تٷيٸنشەكتەردٸ جەتكٸزۋ ەرەكەتٸن انىقتاعان.
تەكسەرۋ كەزٸندە كارتونعا ورالىپ, سىرتىنان سكوتچپەن بەكٸتٸلگەن ٷش تٷيٸنشەك تابىلدى. ٸشٸن اشقان كەزدە ولاردىڭ ەرقايسىسىنان بٸر-بٸر ۇيالى تەلەفون شىققان.
وقيعا ورنىنا اتىراۋ قالاسى پوليتسييا باسقارماسىنىڭ جەدەل-تەرگەۋ توبى شاقىرىلدى.
— اتالعان دەرەك بويىنشا قاجەتتٸ پروتسەسسۋالدىق شارالار جٷرگٸزٸلٸپ جاتىر. تەكسەرۋ قورىتىندىسى بويىنشا قولدانىستاعى زاڭناماعا سەيكەس تيٸستٸ شەشٸم قابىلدانادى, — دەپ حابارلادى اتىراۋ وبلىسى بويىنشا قىلمىستىق-اتقارۋ جٷيەسٸ دەپارتامەنتٸ.
