Foto: QR ǴJBM
Qoja Ahmet Iasaýi atyndaǵy Halyqaralyq qazaq-túrik ýniversitetiniń ǵalymy, belgili túrkolog, filologiia ǵylymdarynyń doktory, professor Shákir Ibraev oqý ordasynyń kitaphanasyna 3000 kitap qoryn tartý etti, dep habarlaidy Ult.kz.
Shákir Ibraev – «Parasat» ordeniniń iegeri, Túrkologiia ǵylymi-zertteý institýtynyń direktory, túrkologiia ǵylymyna zor úles qosqan tulǵa.
Biyl ǵalymnyń 75 jyldyq mereitoiyna orai ýniversitette «Túrkologiia jáne Shákir Ibraev zertteýleri» atty halyqaralyq ǵylymi-tájiribelik konferentsiia ótti. Is-shara HI Túrkologiia kongresi aiasynda uiymdastyryldy.
Ǵalymnyń aitýynsha, kitaphanaǵa syiǵa tartylǵan qorda onyń jeke eńbekterimen qatar, ómir boiy jinaǵan jáne ózge ǵalymdardan syiǵa alǵan qoltańbaly kitaptar bar. Kitaptar qazaq, túrik, ázirbaijan, ózbek, qyrǵyz, bashqurt, uiǵyr, tatar, arab, týva jáne basqa da tilderde jazylǵan.
Foto: QR ǴJBM
Qorda entsiklopediialar, sózdikter, filosofiia, folklor, tiltaný, ádebiettaný, óner jáne tarih salalaryna qatysty eńbektermen qatar, 1937, 1938 jáne 1940 jyldary shyqqan sirek basylymdar – «Qazaq sovet ádebieti», «Ádebiet hrestomatiiasy» siiaqty qundy kitaptar bar.
Kitaphana qyzmetkerleri 3000 kitapty suryptap, arnaiy bazaǵa engizip, oqyrmandarǵa qoljetimdi etti. Qazir stýdentter men oqytýshylar bul eńbekterdi paidalana bastady.
Bul qundy kitap qory – ǵalymnyń keleshek urpaqqa, jas zertteýshilerge qaldyrǵan rýhani murasy.
Shákir Ibraev óz sózinde bul bastamanyń maqsaty – bilimmen bólisý, jas býyndy ǵylymǵa baýlý jáne túrkologiia salasynyń damýyna úles qosý ekenin atap ótti.
