Shymkenttegi kontsertten keiin ánshi Qairat Nurtas pen anasy Gúlzira Aidarbekova áleýmettik jelidegi jazbalarǵa pikir bildirdi. Ázirge ánshiniń ókilderi oqiǵaǵa qatysty resmi málimdeme jasaǵan joq, dep habarlaidy ult.kz.
Áleýmettik jelide kontsertke barǵan kórermenderdi synaǵan video taraǵan. «Kontsertke barǵansha kitap oqyp, damymaisyńdar ma?» degen mazmundaǵy jazbaǵa Qairat Nurtas óziniń resmi paraqshasynan pikir qaldyrǵan.
«Onda shet el ánshilerine baryp júre berińder)», – dep jazdy ánshi.
Sondai-aq ol taǵy bir pikirinde «Qatty kettiń» degen sóz qaldyrǵan.
Al ánshiniń anasy Gúlzira Aidarbekova da áleýmettik jelidegi jazbalardyń birine ún qatty. Ol kontserttegi jaǵdaiǵa qatysty uiymdastyrýshylar men qaýipsizdik qyzmetiniń jaýapkershiligine nazar aýdarǵan.
«Kúlgenderdiń basyna eselep kelsin, Alla kúlkisin tiia almaityndai etip. Uiymdastyrýshy emes, saqtyqqa kúzetter jaýap berý kerek. Bireýge jala salý, eń ońai tásil. Qorǵai almasa, pálen myńdy nege alady eken?» – dep jazdy ol.
Eske salaiyq, 10 qazanda Qairat Nurtastyń Shymkenttegi kontserti dúrbeleńge ulasty, kontsert uiymdastyrýshysy qamaýǵa alyndy.
