فوتو: قر عجبم
قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ عالىمى, بەلگٸلٸ تٷركولوگ, فيلولوگييا عىلىمدارىنىڭ دوكتورى, پروفەسسور شەكٸر يبراەۆ وقۋ ورداسىنىڭ كٸتاپحاناسىنا 3000 كٸتاپ قورىن تارتۋ ەتتٸ, دەپ حابارلايدى Ult.kz.
شەكٸر يبراەۆ – «پاراسات» وردەنٸنٸڭ يەگەرٸ, تٷركولوگييا عىلىمي-زەرتتەۋ ينستيتۋتىنىڭ ديرەكتورى, تٷركولوگييا عىلىمىنا زور ٷلەس قوسقان تۇلعا.
بيىل عالىمنىڭ 75 جىلدىق مەرەيتويىنا وراي ۋنيۆەرسيتەتتە «تٷركولوگييا جەنە شەكٸر يبراەۆ زەرتتەۋلەرٸ» اتتى حالىقارالىق عىلىمي-تەجٸريبەلٸك كونفەرەنتسييا ٶتتٸ. ٸس-شارا حٸ تٷركولوگييا كونگرەسٸ اياسىندا ۇيىمداستىرىلدى.
عالىمنىڭ ايتۋىنشا, كٸتاپحاناعا سىيعا تارتىلعان قوردا ونىڭ جەكە ەڭبەكتەرٸمەن قاتار, ٶمٸر بويى جيناعان جەنە ٶزگە عالىمداردان سىيعا العان قولتاڭبالى كٸتاپتار بار. كٸتاپتار قازاق, تٷرٸك, ەزٸربايجان, ٶزبەك, قىرعىز, باشقۇرت, ۇيعىر, تاتار, اراب, تۋۆا جەنە باسقا دا تٸلدەردە جازىلعان.
فوتو: قر عجبم
قوردا ەنتسيكلوپەدييالار, سٶزدٸكتەر, فيلوسوفييا, فولكلور, تٸلتانۋ, ەدەبيەتتانۋ, ٶنەر جەنە تاريح سالالارىنا قاتىستى ەڭبەكتەرمەن قاتار, 1937, 1938 جەنە 1940 جىلدارى شىققان سيرەك باسىلىمدار – «قازاق سوۆەت ەدەبيەتٸ», «ەدەبيەت حرەستوماتيياسى» سيياقتى قۇندى كٸتاپتار بار.
كٸتاپحانا قىزمەتكەرلەرٸ 3000 كٸتاپتى سۇرىپتاپ, ارنايى بازاعا ەنگٸزٸپ, وقىرماندارعا قولجەتٸمدٸ ەتتٸ. قازٸر ستۋدەنتتەر مەن وقىتۋشىلار بۇل ەڭبەكتەردٸ پايدالانا باستادى.
بۇل قۇندى كٸتاپ قورى – عالىمنىڭ كەلەشەك ۇرپاققا, جاس زەرتتەۋشٸلەرگە قالدىرعان رۋحاني مۇراسى.
شەكٸر يبراەۆ ٶز سٶزٸندە بۇل باستامانىڭ ماقساتى – بٸلٸممەن بٶلٸسۋ, جاس بۋىندى عىلىمعا باۋلۋ جەنە تٷركولوگييا سالاسىنىڭ دامۋىنا ٷلەس قوسۋ ەكەنٸن اتاپ ٶتتٸ.
