Túrkiianyń batysyndaǵy zilzala qurbandarynyń sany 100 adamǵa jetti. Bul týraly Túrkiia úkimeti janyndaǵy Tótenshe jaǵdailardyń aldyn alý jáne saldaryn joiý basqarmasy (AFAD) málimdedi, dep habarlaidy Anadoly agenttigi.
Basqarmanyń málimetinshe, 30 qazandaǵy Túrkiianyń batysynda bolǵan 6.6 baldyq jer silkinisinen keiin 1401 dúmpý bolǵan. Onyń 44-iniń magnitýdasy 4 baldan joǵary.
Aýrýhanalarǵa 994 adam jetkizilgen. Zardap shekkenderdiń 884-i meditsinalyq kómek kórsetilgen soń úiine jiberilgen, 147-si emdelip jatyr. Olardyń 12-si jan saqtaý bóliminde.
17 qiraǵan úidiń 12-siniń úiindilerin bólshekteý aiaqtaldy.
Túrkiia prezidenti Rejep Taiyp Erdoǵan buǵan deiin jer silkinisiniń saldaryn joiý úshin memlekettiń barlyq qajetti resýrstarynyń shoǵyrlanǵanyn málimdegen bolatyn.
Memleket basshysy úiinen aiyrylǵan barlyq azamat jańa páterler alatynyn atap ótti.
