Foto: ashyq derekkóz
Túrkiia prezidenti Rejep Taiip Erdoǵan túrki memleketteriniń azamattaryna jumys isteý men kásipkerlikpen ainalysýdy jeńildetetin jarlyqqa qol qoidy, dep habarlaidy Ult.kz.
Endi kimderge jeńildik beriledi?
-
Qazaqstan
-
Ózbekstan
-
Qyrǵyzstan
-
Ázerbaijan
-
Túrikmenstan azamattary
Bul elderdiń azamattary Túrkiiada azamattyq almai-aq nemese kúrdeli ruqsat rásimdemei-aq jumys istei alady jáne biznes asha alady.
Tek áskeri jáne kúshtik qurylymdarda qyzmet etýge ruqsat joq.
Jumys ruqsatyn alý úshin ne qajet?
-
Túrkiiada turýǵa yqtiiarhattyń (VNJ) bolýy;
-
Kásibi qyzmet barysynda qaýipsizdikke qater tóndirmeýi;
-
Shetelde alynǵan diplom nemese sertifikattardyń teńdigin rastaý;
-
Túrki qaýymdastyǵyna jatatynyn dáleldeý.
Sonymen qatar túrki elderinen kelgen mamandar Túrkiia azamattarymen birdei kásibi birlestikterge tirkelýi tiis, biraq sailaýǵa qatysý quqyǵy bolmaidy.
Bul sheshim nege qabyldandy?
Jarlyq 2025 jyldyń 7 qazanynda Ázerbaijanda ótken Túrki memleketteri uiymynyń 12-sammitinen keiin qabyldandy. Sammitte el basshylary ekonomikalyq integratsiiany tereńdetip, túrki álemi ishinde jumys kúshiniń erkin qozǵalysyna jaǵdai jasaýǵa kelisim bergen edi.
Bul qadam Túrkiia men túrki memleketteri arasyndaǵy yntymaqtastyqty jańa deńgeige shyǵarady dep kútilýde.
