QMA Astana qalasy boiynsha departamentiniń qyzmetkerleri elordanyń halyqaralyq áýejaiynda Ystambuldan Qazaqstanǵa salmaǵy 28 keliden asatyn 7178 kontrabandalyq zergerlik buiymdardy ákelmek bolǵan azamatty ustady, dep habarlaidy "Ult aqparat" vedomstvonyń baspasóz qyzmetine silteme jasap.
"Bul fakt Eýraziialyq ekonomikalyq odaqtyń kedendik shekarasy arqyly ótkizýge shektelgen taýarlardy, zattar men qundylyqtardy ótkizý erejelerine qaishy keledi, olar úshin ótkizýdiń arnaiy erejeleri belgilengen.
Mamandardyń aitýynsha, deklaratsiialanbaǵan «zergerlik buiymdardyń» jalpy kedendik quny 560 million teńgeden asty. Ekonomikalyq kontrabanda faktisi boiynsha qylmystyq is sotqa joldandy" - delingen habarlamada.
