Túrkiianyń Eliazyg provintsiiasynda bolǵan magnitýdasy – 6,8 baldyq jer silkinisi turǵyndardyń úreiin ushyrdy, dep habarlaidy QazAqparat Anadolyǵa silteme jasap.
Sivridje aýdanynyń kóptegen turǵyndary túndi sport keshenderi, saiabaqtar, baq pen konferents-zaldarda ótkizdi. Eliazyg provintsiiasy Jastar jáne sport basqarmasy janyndaǵy Iakýpa Kylych atyndaǵy sport keshenindegi adamdar tamaqpen jáne sýsynmen qamtamasyz etildi.
24 qańtar kúni Túrkiianyń shyǵysynda jergilikti ýaqytpen 20:55-te magnitýdasy 6,8 baldyq jer silkinisi saldarynan 20 adam qaza tapty.
Jerasty dúmpýiniń oshaǵy Sivridje ýeziniń Eliazyg provintsiiasynda ornalasqan.
Túrkiia úkimeti janyndaǵy Tótenshe jaǵdailardyń aldyn alý jáne joiý jónindegi basqarmasynyń (AFAD) málimeti boiynsha, zilzaladan keiin magnitýdasy 2,7-5,4 baldyq 60 aftershok tirkelgen.
Jerasty dúmpýi Eliazyg mańyndaǵy provintsiialar (Adana, Hatai, Osmanie, Týndjeli, Gaziantep, Shanlyýrfa, Malatia, Mardin, Samsýn, Tokat, Chorým jáne Kaiseri) men Siriianyń soltústiginde baiqalǵan.
