Foto: Ǵylym jáne joǵary bilim ministrligi
"Halyqaralyq baǵdarlamalar ortalyǵy" AQ Túrkiiadaǵy qazaqstandyq stýdentter qaýipsiz jerde ekenin aitty, dep habarlaidy Ult.kz BAQ.KZ-ke silteme jasap.
Ortalyqtyń málimetinshe bul elde baǵdarlama boiynsha 25 qazaqstandyq stipendiat bilim alyp júr.
Barlyq stipendiat ortalyq qyzmetkerlerimen, Qazaqstan Respýblikasynyń diplomatiialyq ókildikterimen turaqty bailanysta jáne qajet bolǵan jaǵdaida kómek surai alady, - dep jazylǵan habarlamada.
Syrtqy ister ministrligi Qazaqstan azamattaryna adamdar kóp jinalatyn oryndarǵa barýdan ýaqytsha bas tartýdy, qaýipsizdik sharalaryn saqtaýdy jáne jergilikti biliktiń nusqaýlaryn oryndaýdy usynady.
Túrkiiadaǵy Qazaqstan Respýblikasynyń diplomatiialyq ókildikteriniń bailanys nómirleri:
QR elshiligi (Ankara): +905352734496
QR Bas konsýldyǵy (Ystambul): +905012621465
QR Bas konsýldyǵy (Antalia): +905394400522
QR Bas konsýldyǵy (Izmir): +905530998789
Túrkiiadaǵy halyq tolqýy basylǵan joq jáne Ystanbul meri Ekrem Imamoglý qamaýǵa alynǵannan keiin jappai tártipsizdikterge ulasty. Oppozitsiialyq saiasatker oppozitsiianyń jalǵyz kandidaty boldy.
