Túrkiiada jol apatynan zardap shekkender elge jetkiziledi, - dep habarlaidy kaz.tengrinews.kz tilshisi. Olarǵa sanitarlyq aviatsiia borty barady. Bul týraly QR SIM baspasóz qyzmetiniń jetekshisi Ánýar Jainaqov aitty.
"Másele sheshildi, olar búgin Qazaqstanǵa ushyp keledi. Tústen keiin shyǵyp, keshke qarai ushyp keledi. Reisti sanitarlyq aviatsiianyń kómegimen uiymdastyrdyq", - dedi Jainaqov. Sondai-aq, ol zardap shekkenderdiń Almatyǵa keletinin aityp ótti.
Túrkiiaǵa olardyń jaqyndarynyń barǵany da belgili boldy.
"Óz betinshe qozǵala alatyndar Qazaqstanǵa oraldy. Al tórteýi áli Antaliada jáne zardap shekkenderge kómektesý úshin tórt jaqyndary bardy", - dedi QR SIM baspasóz qyzmetindegiler.
Munyń aldynda Túrkiiaǵa Qazaqstannan demalýǵa barǵan jeti dos jantúrshigerlik jol apatyna ushyraǵany belgili bolǵan edi. Jol-kólik oqiǵasynan tórt túrik azamaty qaza tapqan, al qazaqstandyqtar túrli dárejede jaraqat alyp, aýrýhanaǵa túsken.
