Túrkiianyń Izmir qalasynda magnitýdasy 6,9 baldyq jer silkinisinen ajal qushqandar sany 85-ke jetti. Bul týraly dúisenbi kúni Túrkiia úkimeti janyndaǵy Tótenshe jaǵdailardyń aldyn alý jáne olardyń saldaryn joiý jónindegi basqarmadan (AFAD) málim etti, dep habarlaidy «Anadoly» agenttigi.
Zardap shekken 962 adamnyń 743-i aýrýhanadan shyǵaryldy, 219 adam áli em alyp jatyr. Jansaqtaý bóliminde 9 azamat jatyr, tórteýiniń jaǵdaiy aýyr.
Opyrylyp túsken 8 turǵyn úidiń qirandylary astynan izdeý-qutqarý jumystary jalǵasýda.
Jeksenbiden dúisenbige qaraǵan túni, jerasty dúmpýinen 58 saǵat ótkennen keiin úiindi astynan 14 jastaǵy qyz shyǵaryldy.
Úiindi astynan tabylǵan, jaraqat alǵan azamattar sany 105-ke jetti.
Túrkiianyń Egei teńizi jaǵalaýyndaǵy alǵashqy zilzaladan keiin jalpy 1120 álsiz jerasty dúmpýi tirkelgen. 43 aftershoktyń magnitýdasy 4 baldan asqan.
Túrkiia prezidenti Rejep Taiyp Erdoǵan tabiǵat apatynyń saldaryn joiý úshin barlyq kúsh jumyldyrylǵanyn málimdedi. Ol úilerinen aiyrylǵan azamattardyń bári jańa páterge ie bolatynyn atap ótti.
Eske sala ketsek, 29 qazanda Izmir provintsiiasyndaǵy Egei teńizinde 6,9 ball qýatymen jer silkindi.
