Túrkiianyń kólemi jaǵynan úshinshi orynda turǵan Izmir qalasynda bolǵan jer silkinisi saldarynan 114 adam qaza tapty, dep habarlaidy Anadoly agenttigi.
Magnitýdasy 6.9 jer silkinisi saldarynan opyrylyp qulaǵan turǵyn úilerdiń qirandylary ornynda izdeý-qutqarý jumystary aiaqtaldy.
Bul týraly sársenbi kúni Twitter paraqshasynda Túrkiia úkimeti janyndaǵy tótenshe jaǵdailardyń aldyn alý jáne saldaryn joiý basqarmasynyń basshysy Mehmet Giýlliýoǵly málim etti.
«Izdeý-qutqarý komandalary jumysyn aiaqtady. Adamdardy qutqarýǵa úlesin qosqan árbir qutqarýshy men eriktige alǵys aitamyz», - dep jazdy Giýlliýoǵly.
Túrik biliginiń málimetinshe, zilzala aimaǵynda zardap shekken 1035 adamnyń ishinde 898 adam aýrýhanadan shyǵaryldy, Izmirdiń taǵy 137 turǵyny em qabyldap jatyr.
30 qazanda bolǵan jer silkinisinen keiin Túrkiianyń batysynda 1713 aftershok tirkelgen, bul rette 45 oqiǵada jerasty dúmpýlerdiń magnitýdasy 4 baldan joǵary bolǵan.
