تٷركييانىڭ كٶلەمٸ جاعىنان ٷشٸنشٸ ورىندا تۇرعان يزمير قالاسىندا بولعان جەر سٸلكٸنٸسٸ سالدارىنان 114 ادام قازا تاپتى, دەپ حابارلايدى انادولى اگەنتتٸگٸ.
ماگنيتۋداسى 6.9 جەر سٸلكٸنٸسٸ سالدارىنان وپىرىلىپ قۇلاعان تۇرعىن ٷيلەردٸڭ قيراندىلارى ورنىندا ٸزدەۋ-قۇتقارۋ جۇمىستارى اياقتالدى.
بۇل تۋرالى سەرسەنبٸ كٷنٸ Twitter پاراقشاسىندا تٷركييا ٷكٸمەتٸ جانىنداعى تٶتەنشە جاعدايلاردىڭ الدىن الۋ جەنە سالدارىن جويۋ باسقارماسىنىڭ باسشىسى مەحمەت گيۋلليۋوعلى مەلٸم ەتتٸ.
«ٸزدەۋ-قۇتقارۋ كوماندالارى جۇمىسىن اياقتادى. ادامداردى قۇتقارۋعا ٷلەسٸن قوسقان ەربٸر قۇتقارۋشى مەن ەرٸكتٸگە العىس ايتامىز», - دەپ جازدى گيۋلليۋوعلى.
تٷرٸك بيلٸگٸنٸڭ مەلٸمەتٸنشە, زٸلزالا ايماعىندا زارداپ شەككەن 1035 ادامنىڭ ٸشٸندە 898 ادام اۋرۋحانادان شىعارىلدى, يزميردٸڭ تاعى 137 تۇرعىنى ەم قابىلداپ جاتىر.
30 قازاندا بولعان جەر سٸلكٸنٸسٸنەن كەيٸن تٷركييانىڭ باتىسىندا 1713 افتەرشوك تٸركەلگەن, بۇل رەتتە 45 وقيعادا جەراستى دٷمپۋلەردٸڭ ماگنيتۋداسى 4 بالدان جوعارى بولعان.
