تانىمال اكتەر المات ساقاتوۆ بالالارعا بەرٸلەتٸن جەردەماقىنى وتباسىنىڭ ەلەۋمەتتٸك جاعدايىنا قاراي تاعايىنداۋ مەسەلەسٸنە قاتىستى پٸكٸر بٸلدٸردٸ. ٶنەر يەسٸ جاڭا تەرتٸپ تٶڭٸرەگٸندەگٸ تٷسٸنٸكسٸز جايتتاردى ەزٸل ارقىلى جەتكٸزدٸ, دەپ حابارلايدى ult.kz.
اكتەر ەلەۋمەتتٸك جەلٸدەگٸ پاراقشاسىندا ازاماتتاردى ەلەۋمەتتٸك جاعدايىنا قاراي توپتارعا بٶلۋ مەسەلەسٸن كٶتەردٸ. ول ٶزٸنٸڭ وتباسىلىق جاعدايىن مىسالعا كەلتٸرٸپ, جەردەماقى تاعايىنداۋ تەرتٸبٸنە قاتىستى ساۋالدارىن ورتاعا سالدى.
"قىرىلىپ جاتىرمىز مٸنە, ا, ۆ, س, د, گ گرۋپپاسى دەپ. ەيەلٸمٸز ەكەۋمٸز بىلاي-بىلاي شىققاندا, ونىڭ جالاقىسى مەنەن كٶپ. بٸزدٸكٸ از ەندٸ. مەن ەندٸ گ گرۋپپاسىمىن. ماعان تيىن-تەبەن بەرٸپ تۇرىڭدار دەيمٸن. كەشە تويعا بارامىن دەپ اقشا الىپ ەدٸم, اياق استىنان ا گرۋپپاسى بولىپ شىعا كەلدٸم. ەيەلٸم پوسوبيە المايسىڭ دەيدٸ. مەن نەگە المايمىن? ٷيدٸڭ تٸرلٸگٸن, سىرتتىڭ تٸرلٸگٸن جاسايمىن. ٷيدە وتىرمىن عوي ەندٸ. مىنا گرۋپپالاردى تٷسٸندٸرٸڭدەرشٸ ٶزٸ", – دەدٸ المات ساقاتوۆ.
ٶنەر يەسٸ تابىس كٶلەمٸنە بايلانىستى وتباسىنىڭ ەلەۋمەتتٸك ساناتى ٶزگەرۋٸ مٷمكٸن ەكەنٸن ەزٸلمەن سيپاتتاعان. سونداي-اق ول ٷي شارۋاسىمەن اينالىساتىن ادامنىڭ ەڭبەگٸ قالاي ەسكەرٸلەتٸنٸنە قاتىستى سۇراق قويدى.
اكتەردٸڭ بۇل جازباسى ەلەۋمەتتٸك جەلٸدە قىزۋ تالقىلاندى. كٶپشٸلٸك ونىڭ كٶتەرگەن مەسەلەسٸن قولداپ, ەلەۋمەتتٸك قولداۋ جٷيەسٸندەگٸ ٶزگەرٸستەر حالىققا تٷسٸنٸكتٸ تٸلمەن جەتكٸزٸلۋٸ كەرەك ەكەنٸن ايتتى.
"نە بولسا دا, اششى شىندىقتى جەتكٸزدٸ", "تٷسٸنبەي قالدىق قوي سول, السىن ەندٸ ونى دا, كٶپ كٶردٸ", "كٷشتٸ جەتكٸزدٸڭٸز", "الداعى ٶمٸر شىندىعى وسىنداي بولادى ەندٸ, ماسقارا", "ٶزٸ بٸر-اق رەت بەرٸلەتٸن ٶمٸردە حالىقتىڭ ەر جاعدايىن بٶلگەندەرٸ نەسٸ?" – دەپ پٸكٸر قالدىردى جەلٸ قولدانۋشىلارى.
وسىلايشا, المات ساقاتوۆتىڭ ەزٸل ارالاس مەلٸمدەمەسٸ ەلەۋمەتتٸك جەردەماقىلاردى تاعايىنداۋ تەرتٸبٸ مەن ازاماتتاردىڭ تابىسىن باعالاۋ مەسەلەسٸنە قاتىستى پٸكٸرتالاس تۋعىزدى.
المات ساقاتوۆ كٸم?
المات ساقاتوۆ – قازاقستاندىق تەاتر جەنە كينو اكتەرٸ, ەزٸل-سىقاق جانرىندا تانىلعان ٶنەر يەسٸ. ول شىعىس قازاقستان ٶڭٸرٸندە دٷنيەگە كەلگەن. ەكەسٸ مارات ساقاتوۆ – بەلگٸلٸ اكتەر, رەجيسسەر ەرٸ "تاماشا" تەاترىنىڭ نەگٸزٸن قالاۋشىلاردىڭ بٸرٸ. المات ساقاتوۆ بالا كەزٸنەن ٶنەرگە قىزىعىپ, ەكەسٸنٸڭ جولىن جالعاستىرعان. شىعارماشىلىق جولىندا "باۋىرجان شوۋ" ەزٸل-سىقاق تەاترىندا ٶنەر كٶرسەتٸپ, كٶپشٸلٸككە كەڭٸنەن تانىلدى.
كەيٸن وتاندىق فيلمدەر مەن تەلەحيكايالارعا تٷسٸپ, كومەدييالىق جەنە درامالىق كەيٸپكەرلەردٸ سومدادى. اكتەر "كٶزايىم", "ٶتكٸنشٸ جاڭبىر", "تويحانا" جەنە باسقا دا ەكراندىق تۋىندىلارعا قاتىسقان.
ول بٸر كەزەڭدە "قازاقستان" ۇلتتىق تەلەارناسىنداعى "تاڭشولپان" باعدارلاماسىنىڭ جٷرگٸزۋشٸسٸ بولدى. المات ساقاتوۆ تٸكەلەي ەفيردە جۇمىس ٸستەۋدٸڭ جاۋاپكەرشٸلٸگٸ جوعارى ەكەنٸن سۇحباتتارىندا اتاپ ٶتكەن. ٶنەر يەسٸ الماتىدا اكتەرلەردٸ دايىندايتىن ەزٸل ستۋديياسىن اشىپ, جاس تالانتتاردىڭ شىعارماشىلىق قابٸلەتٸن دامىتۋعا اتسالىسقان. سونداي-اق ەلٸمٸزدٸڭ ەر ٶڭٸرٸندە گاسترولدٸك ساپارمەن ٶنەر كٶرسەتكەن.
2020 جىلى "الماتى" تەلەارناسىنا بەرگەن سۇحباتىندا اكتەر ٶنەردٸ ٶمٸرٸنٸڭ اجىراماس بٶلٸگٸ دەپ اتادى. المات ساقاتوۆ وتباسىلى, بالالارى مەن نەمەرەلەرٸ بار. ول سۇحباتتارىندا وتباسىلىق قۇندىلىقتار, بالا تەربيەسٸ جەنە شىعارماشىلىق جولىنداعى قيىندىقتار تۋرالى جيٸ ەڭگٸمەلەيدٸ. بٷگٸندە اكتەر كينو سالاسىنداعى قىزمەتٸمەن قاتار, ەلەۋمەتتٸك جەلٸدە قوعامداعى ٶزەكتٸ مەسەلەلەرگە قاتىستى پٸكٸر بٸلدٸرٸپ جٷر.
