Túrkiia Respýblikasynyń Prezidenti Rejep Taiyp Erdoǵan memlekettiń jańa negizgi zańyn qabyldaý máselesin talqylaýdy bastaý qajet ekenin habarlady.
Bul týraly túrik kóshbasshysy úkimet otyrysy kezinde málimdedi, dep habarlaidy «Anadoly» agenttigi.
Túrkiia basshysynyń aitýynsha, bul protsess jariia túrde júzege asyrylýy tiis.
Prezidenttiń sózinshe, jańa konstitýtsiiany talqylaityn ýaqyt keldi.
«Biz ony jaqyn arada bastaýymyz múmkin. Bul oqiǵa ashyq túrde júzege asyrylýy tiis. Qorytyndy mátin halyqtyń qaraýyna usynylady», - dep atap ótti Rejep Taiyp Erdoǵan.
Sondai-aq túrik kóshbasshysy jaqynda bilik ókilderi jańa ózgerister jobasy týraly aqparattardan habardar etetinin aitty. Onda, negizinen, reformalar paketiniń negizgi mindeti men maqsaty túsindiriledi.
«Eger biz osy taqyrypqa bailanysty seriktesterimiz – Ultshyldyq qozǵalysy partiiasymen kelise alsaq, jaqyn arada jańa konstitýtsiiany talqylaýǵa kirisemiz», dep atap ótti túrik basshysy. Biraq ol naqty neni ózgertý josparlanyp otyrǵanyn túsindirmedi.
2017 jyldyń sáýirinde Túrkiiada parlamenttik basqarý júiesinen prezidenttikke aýysý týraly konstitýtsiialyq referendým ótip, Rejep Taiyp Erdoǵannyń jaqtastary az ǵana daýys aiyrmashylyǵymen jeńiske jetken bolatyn. Osy reformaǵa sáikes, Túrkiia prezidenti memlekettik júieniń basshysy atanyp, vitse-prezident pen ministrlerdi taǵaiyndaý ókilettiligin aldy. Premer-ministr qyzmeti joiyldy.
