تٷركييا رەسپۋبليكاسىنىڭ پرەزيدەنتٸ رەجەپ تايىپ ەردوعان مەملەكەتتٸڭ جاڭا نەگٸزگٸ زاڭىن قابىلداۋ مەسەلەسٸن تالقىلاۋدى باستاۋ قاجەت ەكەنٸن حابارلادى.
بۇل تۋرالى تٷرٸك كٶشباسشىسى ٷكٸمەت وتىرىسى كەزٸندە مەلٸمدەدٸ, دەپ حابارلايدى «انادولى» اگەنتتٸگٸ.
تٷركييا باسشىسىنىڭ ايتۋىنشا, بۇل پروتسەسس جارييا تٷردە جٷزەگە اسىرىلۋى تيٸس.
پرەزيدەنتتٸڭ سٶزٸنشە, جاڭا كونستيتۋتسييانى تالقىلايتىن ۋاقىت كەلدٸ.
«بٸز ونى جاقىن ارادا باستاۋىمىز مٷمكٸن. بۇل وقيعا اشىق تٷردە جٷزەگە اسىرىلۋى تيٸس. قورىتىندى مەتٸن حالىقتىڭ قاراۋىنا ۇسىنىلادى», - دەپ اتاپ ٶتتٸ رەجەپ تايىپ ەردوعان.
سونداي-اق تٷرٸك كٶشباسشىسى جاقىندا بيلٸك ٶكٸلدەرٸ جاڭا ٶزگەرٸستەر جوباسى تۋرالى اقپاراتتاردان حاباردار ەتەتٸنٸن ايتتى. وندا, نەگٸزٸنەن, رەفورمالار پاكەتٸنٸڭ نەگٸزگٸ مٸندەتٸ مەن ماقساتى تٷسٸندٸرٸلەدٸ.
«ەگەر بٸز وسى تاقىرىپقا بايلانىستى سەرٸكتەستەرٸمٸز – ۇلتشىلدىق قوزعالىسى پارتيياسىمەن كەلٸسە الساق, جاقىن ارادا جاڭا كونستيتۋتسييانى تالقىلاۋعا كٸرٸسەمٸز», دەپ اتاپ ٶتتٸ تٷرٸك باسشىسى. بٸراق ول ناقتى نەنٸ ٶزگەرتۋ جوسپارلانىپ وتىرعانىن تٷسٸندٸرمەدٸ.
2017 جىلدىڭ سەۋٸرٸندە تٷركييادا پارلامەنتتٸك باسقارۋ جٷيەسٸنەن پرەزيدەنتتٸككە اۋىسۋ تۋرالى كونستيتۋتسييالىق رەفەرەندۋم ٶتٸپ, رەجەپ تايىپ ەردوعاننىڭ جاقتاستارى از عانا داۋىس ايىرماشىلىعىمەن جەڭٸسكە جەتكەن بولاتىن. وسى رەفورماعا سەيكەس, تٷركييا پرەزيدەنتٸ مەملەكەتتٸك جٷيەنٸڭ باسشىسى اتانىپ, ۆيتسە-پرەزيدەنت پەن مينيسترلەردٸ تاعايىنداۋ ٶكٸلەتتٸلٸگٸن الدى. پرەمەر-مينيستر قىزمەتٸ جويىلدى.
