Túrkiianyń Aqsarai qalasyna qarasty Sultanhany aýdan ákimdiginiń qazaq tarihy men mádenietiniń tanystyrylýy úshin arnaiy bólgen 3500 sharshymetrlik saiabaqqa betonnan salynatyn qazaq úii pishimindegi Qazaq Mýzeiiniń irge tasy 2017 jyly, 15 qyrkúiek kúni qalandy.
Ortalyǵy Ystambulda bolǵan Qazaq bilim jáne zertteý qoǵamynyń tóraǵasy Serqan Dinishtúrik pen Sultanhany aýdan ákimderiniń orynbasarlary Hasan Temel men Fatih Aǵyr da qatysqan irge tasyn qalaý rásiminen keiin qurylys mashinalary jumysqa kirisip ketti.
Qoǵam tóraǵasy Serqan Dinishtúriktiń aitýyna qaraǵanda, Sultanhany aýdan ákimi Fahri Solaqtyń qamqorshylyǵynda Qazaq saiabaǵy men mýzeiiniń qurylysy bir ai ishinde bitirilip Túrkiia Respýblikasynyń 94. jyldyǵy merekelenetin 29 qazan kúni tusaýkeseri jasalmaq. Tarihi jibek joly boiyndaǵy Aqsarai qalasynda 1299 jyly Selchuq memleketi kezinde salynǵan ataqty Sultan Han kerýensaraiyna 250 m. jerdegi saiabaqqa sheteldik týristterdiń kóptep kelýi kútilýde.
Mýzeide ásirese Túrkiia qazaqtarynyń kósh tarihy men mádenietine qatysty buiymdarǵa oryn berilmek. Belgili bolǵanyndai, osydan 65 jyl aldyn, atap aitqanda 1952 jyly Pákistannan Túrkiiaǵa qonys aýdarǵan qazaqtardan 60 otbasy Aqsarai Sultanhanyna qonystanǵan bolatyn. Kún kórýdiń qamymen qazaqtar keiin Ystambulǵa jáne Frantsiianyń astanasy Parijge kóship ketýge májbúr bolǵan. Alaida Sultanhanynda qazaqtardyń 1968 jyly salǵan “Túrkistandyqtar Meshiti” 1974 jyly jan jaqty jóndeýden ótkennen keiin qazirdiń ózinde musylmandarǵa qyzmet kórsetýin jalǵastyrýda.
Saiabaq pen mýzeidiń búkil shyǵyndaryn Túrkiia men Frantsiiadaǵy qazaqtar kóterýde. 29 qazan kúngi tusaýkeser rásimine Qazaqstan Anqara elshisi Abzal Saparbekuly sondai-aq Qazaqstannan mádeni oryndardyń ókilderi de qatysady dep kútilýde. Osynda igi iske muryndyq bolǵan, eńbegi ótken búkil azamattarǵa alǵysymdy bildiremin.
Ábdiýaqap Qara
Tarih ǵylymynyń doktory, Mimar Sinan
