تٷركييانىڭ اقساراي قالاسىنا قاراستى سۇلتانحانى اۋدان ەكٸمدٸگٸنٸڭ قازاق تاريحى مەن مەدەنيەتٸنٸڭ تانىستىرىلۋى ٷشٸن ارنايى بٶلگەن 3500 شارشىمەترلٸك ساياباققا بەتوننان سالىناتىن قازاق ٷيٸ پٸشٸمٸندەگٸ قازاق مۋزەيٸنٸڭ ٸرگە تاسى 2017 جىلى, 15 قىركٷيەك كٷنٸ قالاندى.
ورتالىعى ىستامبۇلدا بولعان قازاق بٸلٸم جەنە زەرتتەۋ قوعامىنىڭ تٶراعاسى سەرقان دٸنٸشتٷرٸك پەن سۇلتانحانى اۋدان ەكٸمدەرٸنٸڭ ورىنباسارلارى حاسان تەمەل مەن فاتيح اعىر دا قاتىسقان ٸرگە تاسىن قالاۋ رەسٸمٸنەن كەيٸن قۇرىلىس ماشينالارى جۇمىسقا كٸرٸسٸپ كەتتٸ.
قوعام تٶراعاسى سەرقان دٸنٸشتٷرٸكتٸڭ ايتۋىنا قاراعاندا, سۇلتانحانى اۋدان ەكٸمٸ فاحري سولاقتىڭ قامقورشىلىعىندا قازاق ساياباعى مەن مۋزەيٸنٸڭ قۇرىلىسى بٸر اي ٸشٸندە بٸتٸرٸلٸپ تٷركييا رەسپۋبليكاسىنىڭ 94. جىلدىعى مەرەكەلەنەتٸن 29 قازان كٷنٸ تۇساۋكەسەرٸ جاسالماق. تاريحي جٸبەك جولى بويىنداعى اقساراي قالاسىندا 1299 جىلى سەلچۇق مەملەكەتٸ كەزٸندە سالىنعان اتاقتى سۇلتان حان كەرۋەنسارايىنا 250 م. جەردەگٸ ساياباققا شەتەلدٸك تۋريستتەردٸڭ كٶپتەپ كەلۋٸ كٷتٸلۋدە.
مۋزەيدە ەسٸرەسە تٷركييا قازاقتارىنىڭ كٶش تاريحى مەن مەدەنيەتٸنە قاتىستى بۇيىمدارعا ورىن بەرٸلمەك. بەلگٸلٸ بولعانىنداي, وسىدان 65 جىل الدىن, اتاپ ايتقاندا 1952 جىلى پەكٸستاننان تٷركيياعا قونىس اۋدارعان قازاقتاردان 60 وتباسى اقساراي سۇلتانحانىنا قونىستانعان بولاتىن. كٷن كٶرۋدٸڭ قامىمەن قازاقتار كەيٸن ىستامبۇلعا جەنە فرانتسييانىڭ استاناسى پاريجگە كٶشٸپ كەتۋگە مەجبٷر بولعان. الايدا سۇلتانحانىندا قازاقتاردىڭ 1968 جىلى سالعان “تٷركٸستاندىقتار مەشٸتٸ” 1974 جىلى جان جاقتى جٶندەۋدەن ٶتكەننەن كەيٸن قازٸردٸڭ ٶزٸندە مۇسىلماندارعا قىزمەت كٶرسەتۋٸن جالعاستىرۋدا.
ساياباق پەن مۋزەيدٸڭ بٷكٸل شىعىندارىن تٷركييا مەن فرانتسيياداعى قازاقتار كٶتەرۋدە. 29 قازان كٷنگٸ تۇساۋكەسەر رەسٸمٸنە قازاقستان انقارا ەلشٸسٸ ابزال ساپاربەكۇلى سونداي-اق قازاقستاننان مەدەني ورىنداردىڭ ٶكٸلدەرٸ دە قاتىسادى دەپ كٷتٸلۋدە. وسىندا يگٸ ٸسكە مۇرىندىق بولعان, ەڭبەگٸ ٶتكەن بٷكٸل ازاماتتارعا العىسىمدى بٸلدٸرەمٸن.
ەبدٸۋاقاپ قارا
تاريح عىلىمىنىڭ دوكتورى, ميمار سينان
