Pandemiiaǵa qaramastan úshinshi jyl qatarynan Qazaqstanǵa Túrkiiadan rekordyq kólemde investitsiialar salyndy. Bul týraly QR Premer-Ministri Álihan Smaiylov aitty, dep habarlaidy QazAqparat.
«Túrkiia – Qazaqstannyń eń senimdi saýda-ekonomikalyq jáne iivnstitsiialyq seriktesteriniń biri. Ótken jyldyń qorytyndysy boiynsha eki el arasyndaǵy taýar ainalymy 33 protsentke ósip, 4,1 mlrd dollardan asty. Sońǵy 15 jylda Túrkiia el ekonomikasyna 3,5 mlrd dollardan astam investitsiia salǵan. Qazaqstan Respýblikasy tarapynan Túrkiiaǵa 1 mlrd dollardan astam investitsiia bardy», - dedi Á. Smaiylov «Rixos President Astana» qonaq úiinde Qazaqstan-Túrkiia biznes-forýmynda.
Úkimet basshysy túrik investorlarynyń Qazaqstanǵa degen qyzyǵýshylyǵynyń aitarlyqtai óskenin atap ótti. Pandemiiaǵa qaramastan úshinshi jyl qatarynan Qazaqstanǵa Túrkiiadan rekordyq kólemde investitsiialar salyndy.
«Ótken jyldyń 9 aiynyń qorytyndysy boiynsha túrkiialyq tikelei sheteldik investitsiialar eki esege artyp, 535 mln dollardy qurady. Bul Qazaqstanǵa degen úlken senimniń belgisi, ári bizdiń elimizdegi ońtaily investitsiialyq ahýaldyń kórinsi. Qazaqstan COVID-19 pandemiiasyna bailanysty ekonomikalyq qiynshylyqtardy sátti eńserdi. Ótken jyldyń qorytyndysy boiynsha ekonomikalyq ósim 4 protsentti qurap, ónerkásiptiń pandemiiaǵa deiingi kórsetkishterinen asyp tústi. Naqty sektor ónerkásiptiń drvaiveri boldy. Ónerkásip ósimi 3,8 protsentti qurady. Onyń ishinde óńdeý ónerkásibi 5,5 protsentke ósti», - dedi Álihan Smaiylov.
Shikizattyq emes sektordaǵy joǵary investitsiialyq belsendilik ósimniń negizgi faktory boldy. Atalǵan sektordaǵy investitsiialar 9,5 protsentke ósken.
2021 jyldyń 9 aiynyń qorytyndysy boiynsha Qazaqstanǵa keletin jalpy tikelei sheteldik invetsitsiialar 50 protsentke artyp, 18,8 mlrd dollardy qurady. Syrtqy suranystyń arýty da ósimge áser etti. Taýar eksporty 27 protsentke artty, óńdelgen taýarlar eksporty 32 protsentke ósip, 19,8 mlrd dollardy qurady. Oń saýda balansy ótken jylǵy deńgeiden 2,2 esege artty.
Aita keteiik, elordada Túrkiia Respýblikasynyń Vitse-Prezidenti Fýat Oktai myrzanyń Qazaqstan Respýblikasyna sapary sheńberinde Qazaqstan-Túrkiia biznes-forýmy ótip jatyr.
