Túrkiianyń premer-ministri Binali Iyldyrym Donald Trampty prezident qyzmetine kelýimen quttyqtap, eki eldiń qarym-qatynasynyń saiasatyn qaita qaraidy dep senetinin aityp ótti, - dep habarlaidy Life.ru.
"Jańa prezidentti 15 shildede memlekettik tóńkeris jasamaqshy bolǵan, qazir AQSh-ta turyp jatqan Fethýllah Gúlendi shuǵyl túrde ekstraditsiialaýdy ashyq túrde suraimyn", - dep málimdedi Iyldyrym. Sondai-aq, ol Túrkiiadaǵy memlekettik tóńkeris áreketin jasaǵan adamdy ekstraditsiialaýdyń eki eldiń qarym-qatynasynyń jańa kezeńi bolatynyn atap ótti.
Eske salaiyq, Ankara elde biyl 16 shildege qaraǵan túni tóńkeris áreketin jasaǵandardyń basy qasynda Fethýllah Gúlen tur dep esepteidi. Al sol ýaqytta AQSh-tyń federal biligi 2000 jyldan beri Pensilvaniiada turyp jatqan ýaǵyzshyny berýden bas tartqan edi.
