Túrkiia Siriianyń soltústiginde jáne Iraktyń soltústiginde Kúrdistan jumysshy partiiasyna (KJP) qarsy áýe operatsiiasyn júrgizýdi bastady, - dep habarlaidy Tengrinews.kz.
Túrkiianyń Ulttyq Qorǵanys ministrligi Twitter-de áýe operatsiiasynyń alǵashqy kadrlaryn jariialady.
"Terrorister uiasy tikelei soqqylarmen joiylady", - delingen jazbada.
Áýe operatsiiasyna Pençe-Kiliç (Qylysh tyrnaq) degen ataý berilgen.
"Túrkiianyń Ulttyq Qorǵanys ministrligi bul operatsiia BUU Jarǵysynyń 51-babyna sáikes ózin-ózi qorǵaý quqyǵyna sáikes jasalǵanyn aitady", - delingen agenttiktiń habarlamasynda.
Aita keteiik, buǵan deiin kúrdterdiń "Siriia demokratiialyq kúshteriniń" (SDF) ókili Farhad Shamsi Túrkiia Siriianyń soltústigindegi Kobani shekaralas qalasyna soqqy berip jatqanyn aitqan bolatyn.
