Túrkiiada jasalyp jatqan koronavirýsqa qarsy vaktsina biyl kúzde tolyq daiyn bolady, dep habarlaidy Anadoly agenttigi.
Bul jaiynda Túrkiia prezidenti Rejep Taiyp Erdoǵan arnaiy brifingte aitty.
«Túrkiiada koronavirýs infektsiiasyna qarsy otandyq vaktsina jasaý jumysy belsendi jalǵasyp jatyr. Biylǵy qyrkúiek-qazan ailaryna deiin osy jumystyń nátijesin kóremiz degen niet bar» dep atap ótti túrik kóshbasshysy.
Onyń aitýynsha, otandyq vaktsina Túrkiiadaǵy suranysty ǵana jaýyp qoimai, basqa elderge de taratylady.
«Ankara suranys joldaǵan álemniń kez kelgen eline vaktsina jetkizýge daiyn» dedi Rejep Taiyp Erdoǵan.
Túrkiia prezidenti buǵan deiin Resei prezidenti Vladimir Pýtinmen reseilik Spýtnik V vaktsinasyn satyp alý jaiyn talqylaǵan bolatyn.
«Bul jerde áńgime Túrkiiaǵa jetkiziletin ekpeniń óte qomaqty kólemi jaiynda bolyp otyr. Sosyn biz Túrkiiada birlesken ónerkásipti iske qosamyz» dep túiindedi sózin Erdoǵan.
