تٷركييادا جاسالىپ جاتقان كوروناۆيرۋسقا قارسى ۆاكتسينا بيىل كٷزدە تولىق دايىن بولادى, دەپ حابارلايدى انادولى اگەنتتٸگٸ.
بۇل جايىندا تٷركييا پرەزيدەنتٸ رەجەپ تايىپ ەردوعان ارنايى بريفينگتە ايتتى.
«تٷركييادا كوروناۆيرۋس ينفەكتسيياسىنا قارسى وتاندىق ۆاكتسينا جاساۋ جۇمىسى بەلسەندٸ جالعاسىپ جاتىر. بيىلعى قىركٷيەك-قازان ايلارىنا دەيٸن وسى جۇمىستىڭ نەتيجەسٸن كٶرەمٸز دەگەن نيەت بار» دەپ اتاپ ٶتتٸ تٷرٸك كٶشباسشىسى.
ونىڭ ايتۋىنشا, وتاندىق ۆاكتسينا تٷركيياداعى سۇرانىستى عانا جاۋىپ قويماي, باسقا ەلدەرگە دە تاراتىلادى.
«انكارا سۇرانىس جولداعان ەلەمنٸڭ كەز كەلگەن ەلٸنە ۆاكتسينا جەتكٸزۋگە دايىن» دەدٸ رەجەپ تايىپ ەردوعان.
تٷركييا پرەزيدەنتٸ بۇعان دەيٸن رەسەي پرەزيدەنتٸ ۆلاديمير پۋتينمەن رەسەيلٸك سپۋتنيك V ۆاكتسيناسىن ساتىپ الۋ جايىن تالقىلاعان بولاتىن.
«بۇل جەردە ەڭگٸمە تٷركيياعا جەتكٸزٸلەتٸن ەكپەنٸڭ ٶتە قوماقتى كٶلەمٸ جايىندا بولىپ وتىر. سوسىن بٸز تٷركييادا بٸرلەسكەن ٶنەركەسٸپتٸ ٸسكە قوسامىز» دەپ تٷيٸندەدٸ سٶزٸن ەردوعان.
