Foto: nato.int
Túrkiia Finliandiia men Shvetsiianyń Soltústik Atlantikalyq aliansqa (NATO) kirýin qoldamaidy, - dep habarlaidy Tengrinews.kz agenttigi DW saityna silteme jasap.
NATO Bas hatshysy Iens Stoltenberg Túrkiia Syrtqy ister ministri Mevliýt Chavýshoǵlýmen ótkizgen ortaq baspasóz máslihatynda Shvetsiia men Finliandiianyń NATO-ǵa tezirek qabyldanýy kerektigin jáne Túrkiianyń Soltústik Atlantikalyq aliansqa kirý talaptaryn oryndap qoiǵanyn aitty.
"Finliandiia men Shvetsiiany NATO-nyń tolyqqandy músheleri retinde qarsy alatyn ýaqyt keldi, bul uiymnyń ózin nyǵaitady jáne oǵan kiretin barlyq elderdiń qaýipsizdigin arttyrady", - dedi Stoltenberg.
NATO bas hatshysy 4 qarasha, juma Túrkiia prezidenti Rejep Taiyp Erdoǵanmen eki eldiń aliansqa qosylý máselesin talqylaitynyn aitty.
Mevliýt Chavýshoglý Iens Stoltenbergke Túrkiia men Shvetsiia arasyndaǵy qarym-qatynasta ilgerileýshilik baiqalǵanymen, eki el arasynda sheshilmegen másele kóp ekenin, olardyń NATO-ǵa qosylýyn qoldai almaitynyn aitty. Onyń aitýynsha, Finliandiia men Shvetsiia Ankara qoiǵan barlyq talaptardy áli oryndamaǵan.
