Túrkiia LHR, DHR kvazimemlekettik aýmaqtaryn, sondai-aq Ýkrainanyń Zaporoje jáne Herson oblystaryn Reseige qosý týraly ótken referendýmǵa qatysty óz ustanymyn bildirdi, - dep habarlaidy Tengrinews.kz agenttigi.
Tokiodaǵy Japon ulttyq baspasóz klýbynda sóilegen Túrkiia syrtqy ister ministri Mevliýt Chavýshoglý Ankara DHR, LHR, Herson jáne Zaporoje oblystarynyń Reseige qosylýyn moiyndamaitynyn aitty. Baspasóz máslihatynyń transliatsiiasy onyń Facebook-paraqshasynda kórsetildi.
"Biz Qyrymnyń anneksiiasyn moiyndamaimyz jáne bul týraly Reseige aityp jatyrmyz. Biz Donetsk, Lýgansk, Zaporoje jáne Hersondaǵy referendýmdarǵa alańdaýshylyq bildirdik. Olardy moiyndamaitynymyzdy aittyq", - dedi túrik SIM basshysy.
Eske salaiyq, jumada LHR, DHR, sondai-aq Ýkrainanyń Zaporoje jáne Herson oblystarynda Reseige qosylý týraly referendým bastaldy. Daýys berý 27 qyrkúiekke deiin jalǵasady.
