تٷركييا لحر, دحر كۆازيمەملەكەتتٸك اۋماقتارىن, سونداي-اق ۋكراينانىڭ زاپوروجە جەنە حەرسون وبلىستارىن رەسەيگە قوسۋ تۋرالى ٶتكەن رەفەرەندۋمعا قاتىستى ٶز ۇستانىمىن بٸلدٸردٸ, - دەپ حابارلايدى Tengrinews.kz اگەنتتٸگٸ.
توكيوداعى جاپون ۇلتتىق باسپاسٶز كلۋبىندا سٶيلەگەن تٷركييا سىرتقى ٸستەر مينيسترٸ مەۆليۋت چاۆۋشوگلۋ انكارا دحر, لحر, حەرسون جەنە زاپوروجە وبلىستارىنىڭ رەسەيگە قوسىلۋىن مويىندامايتىنىن ايتتى. باسپاسٶز مەسليحاتىنىڭ ترانسلياتسيياسى ونىڭ Facebook-پاراقشاسىندا كٶرسەتٸلدٸ.
"بٸز قىرىمنىڭ اننەكسيياسىن مويىندامايمىز جەنە بۇل تۋرالى رەسەيگە ايتىپ جاتىرمىز. بٸز دونەتسك, لۋگانسك, زاپوروجە جەنە حەرسونداعى رەفەرەندۋمدارعا الاڭداۋشىلىق بٸلدٸردٸك. ولاردى مويىندامايتىنىمىزدى ايتتىق", - دەدٸ تٷرٸك سٸم باسشىسى.
ەسكە سالايىق, جۇمادا لحر, دحر, سونداي-اق ۋكراينانىڭ زاپوروجە جەنە حەرسون وبلىستارىندا رەسەيگە قوسىلۋ تۋرالى رەفەرەندۋم باستالدى. داۋىس بەرۋ 27 قىركٷيەككە دەيٸن جالعاسادى.
