Túrkistanda Halyqaralyq simpoziým bastaldy, dep habarlaidy "Ult aqparat".
27-28 sáýir kúnderi Túrkiianyń úzdik hirýrg dárigerleri óz tájiribelerimen bólisedi.
Shara barysynda balalardyń týa bitken aýrýlary men sút bezi qaterli isigin ota ádisimen emdeý máseleleri talqylanbaq.
Aita ketsek, simpoziýmǵa Túrkiianyń «Liv Ýlýs» klinikasynyń bilikti dárigerleri arnaiy keldi. Búginde Túrkiianyń 17 qalasynda atalmysh mekemeniń 37 aýrýhanasy bar.
Jiynda alǵashqy bolyp hirýrgiia salasynda 33 jyldyq tájiribesi bar Selami Seziýbir sóz sóiledi.
Onyń aitýynsha, pandemiia jaǵdaiynda B2B formatynda kezdesý uiymdastyrý dárigerler úshin zor múmkindik.
«Búgingi kezdesý biz úshin óte mańyzdy. 33 jyl hirýrgiia salasynda qyzmet etip kelemin. Meniń Qazaqstannan keletin naýqastarym kóp bolǵan. Bir baiqaǵanym qazaqstandyq dárigerlerdiń tájiribesi mol. Sondyqtan búgingi jiyn barlyǵymyz úshin paidasy zor. Ózara tájiribemen bólisip, biliktiligimizdi arttyratyn bolamyz»,- deidi professor Selami Seziýbir.
Sharaǵa Túrkistan oblysynyń dárigerleri de qatysýda. Aimaqta búginde jalpy 23 429 meditsina qyzmetkeri bar. Onyń 5 myńnan astamy dárigerler, qalǵandary orta býyn mamandary.
Elimizde jyl saiyn ana men bala densaýlyǵyn saqtaýǵa erekshe kóńil bólinip keledi. Prezident Joldaýlarynda, densaýlyq saqtaý salasyn damytýǵa arnalǵan baǵdarlamalarda bul másele nazardan tys qalǵan emes.
