تٷركٸستاندا حالىقارالىق سيمپوزيۋم باستالدى, دەپ حابارلايدى "ۇلت اقپارات".
27-28 سەۋٸر كٷندەرٸ تٷركييانىڭ ٷزدٸك حيرۋرگ دەرٸگەرلەرٸ ٶز تەجٸريبەلەرٸمەن بٶلٸسەدٸ.
شارا بارىسىندا بالالاردىڭ تۋا بٸتكەن اۋرۋلارى مەن سٷت بەزٸ قاتەرلٸ ٸسٸگٸن وتا ەدٸسٸمەن ەمدەۋ مەسەلەلەرٸ تالقىلانباق.
ايتا كەتسەك, سيمپوزيۋمعا تٷركييانىڭ «ليۆ ۋلۋس» كلينيكاسىنىڭ بٸلٸكتٸ دەرٸگەرلەرٸ ارنايى كەلدٸ. بٷگٸندە تٷركييانىڭ 17 قالاسىندا اتالمىش مەكەمەنٸڭ 37 اۋرۋحاناسى بار.
جيىندا العاشقى بولىپ حيرۋرگييا سالاسىندا 33 جىلدىق تەجٸريبەسٸ بار سەلامي سەزيۋبير سٶز سٶيلەدٸ.
ونىڭ ايتۋىنشا, پاندەمييا جاعدايىندا B2B فورماتىندا كەزدەسۋ ۇيىمداستىرۋ دەرٸگەرلەر ٷشٸن زور مٷمكٸندٸك.
«بٷگٸنگٸ كەزدەسۋ بٸز ٷشٸن ٶتە ماڭىزدى. 33 جىل حيرۋرگييا سالاسىندا قىزمەت ەتٸپ كەلەمٸن. مەنٸڭ قازاقستاننان كەلەتٸن ناۋقاستارىم كٶپ بولعان. بٸر بايقاعانىم قازاقستاندىق دەرٸگەرلەردٸڭ تەجٸريبەسٸ مول. سوندىقتان بٷگٸنگٸ جيىن بارلىعىمىز ٷشٸن پايداسى زور. ٶزارا تەجٸريبەمەن بٶلٸسٸپ, بٸلٸكتٸلٸگٸمٸزدٸ ارتتىراتىن بولامىز»,- دەيدٸ پروفەسسور سەلامي سەزيۋبير.
شاراعا تٷركٸستان وبلىسىنىڭ دەرٸگەرلەرٸ دە قاتىسۋدا. ايماقتا بٷگٸندە جالپى 23 429 مەديتسينا قىزمەتكەرٸ بار. ونىڭ 5 مىڭنان استامى دەرٸگەرلەر, قالعاندارى ورتا بۋىن ماماندارى.
ەلٸمٸزدە جىل سايىن انا مەن بالا دەنساۋلىعىن ساقتاۋعا ەرەكشە كٶڭٸل بٶلٸنٸپ كەلەدٸ. پرەزيدەنت جولداۋلارىندا, دەنساۋلىق ساقتاۋ سالاسىن دامىتۋعا ارنالعان باعدارلامالاردا بۇل مەسەلە نازاردان تىس قالعان ەمەس.
