Energetika ministri Bolat Aqsholaqov Úkimet kýlýarynda Túrkiia jaǵalaýynda qańtarylǵan munai tankerleri týraly pikir bildirdi, dep habarlaidy QazAqparat.
«Bul jaǵdai túrik biligi kemelerdiń saqtandyrý qujatynan basqa da qujattar talap ete bastaǵandyqtan týyndady. Ol talaptyń máni kemelerdegi munai sanktsiiaǵa ilingen bolsa jáne tógilgen bolsa, saqtandyrýǵa jatýy kerek degenge saiady. Bul basy artyq talap bolyp esepteledi. Óitkeni saqtandyrý kompaniialary kemeler men ondaǵy júkti iesi kim ekenine qaramastan saqtandyrady. Kimniń júgi degen másele – sertifikattardyń shyǵý tegine bailanysty másele. Qazaqstan biligi muny únemi ashyq kórsetedi. Munyń bári júk tasymaldaý kelisimshartynda qamtylǵan. Onsyz júk tasymaldanbaidy», - dep túsindirdi Energetika ministri.
Sondai-aq, Bolat Aqsholaqov qazirgi tańda Túrkiia jaǵalaýynda qańtarylǵan 8 tankerdiń Qara teńizden ótkenin, qalǵandary da jýyqta jetetinin aitty.
