Sársenbi kúni Túrkiianyń densaýlyq saqtaý basshysy meditsina qyzmetkerleriniń qatysýymen turǵyndarǵa koronavirýsqa qarsy ekpe egý bastalǵanyn málimdedi, dep habarlaidy Anadoly agenttigi.
El astanasy Ankarada ótken koronavirýs boiynsha Ǵylymi-konsýltativtik keńes otyrysynan keiin sóz sóilegen densaýlyq saqtaý ministri Fahrettin Kodja joǵary laýazymdy sheneýnikter ózderine vaktsina jasata otyryp qoǵamǵa úlgi kórsetedi jáne halyqty soǵan shaqyratynyn aitty.
«Bizdiń negizgi maqsatymyz – vaktsinatsiia baǵdarlamasyn ashyq júrgizý. Vaktsina ádiletti túrde taratylady jáne Ǵylymi keńes bekitken basymdyqtan ózge tájiribe júrgizilmeidi», dep atap ótti ministr.
F.Kodja málimetinshe, vaktsinalar 81 provintsiianyń qoǵamdyq densaýlyq saqtaý qoimalaryna jetkizildi. Ár adamǵa esimi jáne shtrih-kody boiynsha vaktsina bekitiledi. Satyp alý boiynsha vaktsina egiletin adamdarǵa kezegi týraly habarlanady, sodan keiin olar aldyn ala jazylyp ekpe jasatýǵa barady.
Keiinirek densaýlyq saqtaý basshysy CoronaVac vaktsinasyn qabyldaǵan Túrkiiadaǵy alǵashqy adam boldy. Ministrden keiin komissiia músheleri de ekpe aldy.
«Bári ekpe alý kerek ekenin atap ótkim keledi. Qalypty ómirimizge oralý úshin mindetti túrde vaktsina egilýi kerek», - dep tolyqtyrdy F.Kodja.
Buǵan deiin sársenbi kúni Túrkiianyń dári-dármek jáne meditsinalyq qurylǵylar resmi mekemesi CoronaVac-ty jańa koronavirýsqa qarsy shuǵyl paidalaný úshin maquldaǵan bolatyn.
Túrkiianyń dári-dármek jáne meditsinalyq qurylǵylar agenttigi (TITCK) ekpeni teksergennen keiin Beijińdegi SinoVac kompaniiasy jasaǵan CoronaVac vaktsinasyna resmi túrde ruqsat berdi.
Eske sala ketsek, SinoVac óndirgen 3 mln vaktsina 30 jeltoqsanda Túrkiiaǵa jetkizilip, Densaýlyq saqtaý ministrliginiń meditsinalyq qoimasyna jiberildi. Sodan keiin 14 kúndik tekserý úshin TITCK zerthanasyna jetkizildi.
Keiingi resmi málimetter boiynsha, keiingi 24 saǵatta Túrkiiada 9554 adam koronavirýs juqtyrdy, sondai-aq 173 adam ómirden ótse, 9 463 turǵyn jazylyp shyqty. Eldegi jalpy koronavirýs juqtyrǵandar sany 2,35 million adamnan asty.
