© Sputnik / Evgenii Biiatov
Ankara Ystanbuldaǵy teraktige bailanysty AQSh elshiliginiń kóńil aitýyn qabyldamaidy. Bul týraly Túrkiianyń ishki ister ministri Súleiman Soilý málimdedi dep jazady Sputnik Qazaqstan agenttigi CNN Türk arnasyna silteme jasap.
"Biz shabýyldyń koordinatsiiasy qai jerde jasalǵanyn bilemiz. Bizge berilgen joldaýdy aldyq jáne ol qandai joldaý ekenin bilemiz. Biz amerikalyq elshiliktiń kóńil aitýyn qabyldamaimyz. Biz eshkimge opasyzdyq jasaimyz, biraq ondai áreketterge endi shydai almaimyz. Búgin shabýyl jasaǵan adamdy ustamaǵanymyzda ol Grekiiaǵa qashyp ketetin edi", - deidi ministr.
Aita keteri, Soilý Ystanbuldaǵy teraktige qatysty amerikalyq taraptyń ustanymyn synǵa aldy. Alaida Ankara narazylyǵyn týdyrǵan naqty sebepti aitqan joq.
Buǵan deiin Aq úidiń resmi ókili Karin Jan-Per AQSh-tyń Ystanbuldaǵy zorlyq-zombylyq aktisin aiyptaitynyn málimdep, jaqyn adamdarynan aiyrylǵandarǵa kóńil aitty.
Eske salsaq, 13 qarasha keshke Ystanbuldyń Istiklial kóshesinde jarylys boldy. Saldarynan alty adam qaza taýyp, 81 adam jaralandy.
Túrik politsiiasy kóshede bomba qaldyrýy múmkin adamdy ustady. Alǵashqy málimetterge qaraǵanda, jarylystyń artynda Kúrdistan jumys partiiasy men kúrdterdiń Halyqtyq ózin-ózi qorǵaý jasaqtary tur. Túrkiia biligi áiel adam jasaǵan jarylysty terakt dep baǵalady.
