Túrkistan oblysyna Italiiadan investitsiia tartylady. Túrkistan oblysynyń ákimi Darhan Satybaldy Qazaqstandaǵy Italiianyń elshisi Marko Alberti bastaǵan delegatsiiany qabyldap, kelissóz júrgizdi.
Túrkistan óńiriniń biznesti damytýǵa qolaily tustaryn jetkizgen oblys basshysy italiandyq biznes alpaýyttaryn toqyma, tigin fabrikalaryn ashýǵa shaqyrdy.
Oblystyń áleýmettik-ekonomikalyq áleýetimen tanystyrǵan óńir basshysy Italiiamen bailanysty nyǵaityp, birlesken jobalardy júzege asyrýǵa daiyn ekenin jetkizdi. Taraptar eki el arasynda dostyq qarym-qatynastar men syndarly saiasi dialog ornaǵanyn, saýda-ekonomikalyq jáne mádeni-gýmanitarlyq ózara is-qimyldyń dáiekti damyp kele jatqanyn atap ótti.
«Bul kezdesý Qazaqstan-Italiia yntymaqtastyǵyn damytýǵa jańa serpin beretinine senimdimin. Búginde bizdiń oblys pen Italiia eli arasyndaǵy ekijaqty qarym-qatynastardy damytýǵa jaqsy múmkindigimiz bar. Qazirgi tańda tarihi Túrkistan óńiri qaita órleý dáýirin bastan ótkerip jatyr. Osydan tórt jyl buryn Túrkistan oblysy qurylyp, Túrkistan qalasy ortalyq boldy. Osy az ǵana ýaqytta óńirde aýqymdy jumystar atqaryldy. Investitsiia kólemi artty. Óńirde týrizm salasy úsh baǵytta damyp keledi. Italiiamen birneshe sala boiynsha áriptestik ornatýǵa múddelimiz. Bul rette týrizm, aýyl sharýashylyǵy, jańa tehnologiialardy engizý boiynsha investitsiia tartsaq degen oi bar. Barlyq máseleni talqylaýǵa daiynbyz», – dedi Darhan Satybaldy.
Ótken jyly óńirge tartylǵan investitsiia kólemi 60% - ǵa ósip, 1,7 mlrd. AQSh. dollaryn qurady. Onyń ishinde syrtqy investitsiialar kólemi 82% - ǵa ósti. Jalpy, 2018 jyldan bastap oblysqa 3,5 mlrd. AQSh dollary kóleminde investitsiia tartylǵan. Investitsiialyq ahýaldy odan ári jaqsartý úshin aýqymdy jumys júrgizilýde. Sonymen qatar, Otyrar aýdanynda Qýaty 50 MVt, quny 26 mln. AQSh dollary kóleminde italiandyq kapitaldyń qatysýymen mańyzdy investitsiialyq joba iske asyrylýda («Arm Wind» JShS). Italiandyq investorlar jasyl ekonomikaǵa da erekshe nazar aýdarady. Atap aitqanda, ENI kompaniiasynyń qatysýymen áleýmettik joba aiasynda Túrkistan qalasyndaǵy mektepte kún elektr stantsiiasy ornatyldy.
